شىمكەنتتە "تازا قازاقستان" رەسپۋبليكالىق ەكولوگيالىق اكتسياسى اياسىندا «ونەگەلى ۇرپاق» اپتالىعى بارىسىندا اپتالىققا قاتىستى ءتۇرلى تاقىرىپتا ءىس شارالار ۇيىمداستىرىلۋدا.
سونىڭ ءبىرى "دوستىق اۋلاسى" اتتى قالاداعى كوپقاباتتى تۇرعىن ۇيلەردىڭ تۇرعىندارى ءوز اۋلالارىن تازالاۋ جۇمىستارىن جۇرگىزدى. تازالىق جۇمىستارىنا 1000 عا جۋىق ادام قاتىستى.
اكتسيا قالاداعى بارلىق بەس اۋدان اۋماعىندا جۇرگىزىلىپ، تۇرعىندار ءوز اۋلالارىن تازالاپ، قوقىستاردى شىعاردى.
اتالعان ءىس-شاراعا تۇرعىندارمەن بىرگە وتباسى جانە ايەلدەر ىستەرى جونىندەگى كوميسسيا مۇشەسى – و.تاجىباەۆا، قوعامدىق كەڭەس مۇشەسى – ج.راەۆ، قالالىق ءماسليحات دەپۋتاتى ل.سۇلەيمەنوۆ، "بال تەكستيل" جشس-ءنىڭ ديرەكتورى ت.يسحاكوۆ، سايرام تۇرعىن الابىنىڭ اۋىل ءبيى – ح.تولامەتوۆ، ءۇي باسقارۋشىلارى مەن باسقا دا بەلسەندى ازاماتتار قاتىستى.
- "ونەگەلى ۇرپاق" اپتالىعى اياسىندا بۇگىن بارلىعىمىز ءبىر كىسىدەي جۇمىلىپ، ءوز اۋلالارىمىزدى تازالاۋعا شىقتىق. بۇل ءارى تازالىق، ءارى ونەگە، ءارى يگى ءىس. سوندىقتان بارشا جۇرت بولىپ اتسالىسۋ بارشامىزدىڭ مىندەتىمىز دەپ ەسەپتەيمىن»، - دەيدى سايرام تۇرعىن الابىنىڭ اۋىل ءبيى ح.تولامەتوۆ.
"ونەگەلى ۇرپاق" اپتالىعى اياسىندا شىمكەنتتە قاريالار مەن ارداگەرلەردىڭ ۇيلەرىنە بارىپ تازالاۋ، شوپتەردى ورۋ، قوقىستاردى شىعارۋ، اعاشتاردى اكتەۋ جانە ت.ب. جۇمىستار ءارى قاراي جۇرگىزىلىپ، قاريالارعا قۇرمەت جۇمىستارى جالعاسۋدا.
