«الماتى – ءبىزدىڭ ورتاق ءۇيىمىز» ناۋقانى اياسىندا قالالىق تاريحي-مادەني مۇرا وبەكتىلەرىنىڭ اۋماقتارىن كەشەندى تازالاۋ جۇمىستارى جۇرگىزىلۋدە. بۇگىنگى تاڭدا الماتىدا 60-تان استام ەسكەرتكىشتەر مەن مۇسىندەر رەتكە كەلتىرىلدى: تاۋەلسىزدىك مونۋمەنتى، «تاعزىم» مەموريالى، ش.ءۋاليحانوۆ، ن.تىلەنديەۆ، ج. جاباەۆ، م. اۋەزوۆ، ا. مولداعۇلوۆا مەن م.مامەتوۆا ەسكەرتكىشتەرى جانە تاعى باسقالارى.
ەسكەرتكىشتەر مەن بيۋستتەر اۋماعىنىڭ ماڭايىن قوقىستان تازارتۋ، مۇسىندىك قۇرىلىستى جۋىلادى. ۇلكەن مۇسىندەرمەن جۇمىس ىستەۋ ءۇشىن سۋارۋ ماشينالارى قولدانىلادى. سونداي-اق، ەسكەرتكىشتەردى ۆاندالعا قارسى جابىنمەن وڭدەۋ جۇمىستارى جوسپارلانعان.
بارلىعى 100-دەن استام تاريحي-مادەني مۇرا نىساندارى مەن 6 ارحەولوگيالىق قورعان قامتىلادى.
«تازا قازاقستان» رەسپۋبليكالىق ەكواكتسياسىنىڭ «ونەگەلى ۇرپاق» تاقىرىپتىق اپتالىعى اياسىندا كوشەتتەر مەن گۇلدەر وتىرعىزۋ، سونداي-اق ۇوس ارداگەرلەرىنە، قارتتار مەن مۇمكىندىگى شەكتەۋلى جاندارعا ءۇي ماڭىنداعى اۋماقتى جيناۋ بويىنشا كومەك كورسەتۋگە باعىتتالعان «كورشىڭە كومەكتەس» اكتسياسى جالعاسۋدا.
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا «الماتى – ءبىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
«الماتى – ءبىزدىڭ ورتاق ءۇيىمىز» ناۋقانى تۋرالى بارلىق اقپارات اlmaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاستىرىلعان. سونداي-اق، ۆەب-سايتقا قالا بويىنشا باننەرلەردە، پلاكاتتاردا ارنايى ورنالاستىرىلعان QR-كود ارقىلى دا كىرۋگە بولادى.
