ەرجۇمان وتەشۇلى سمايىل – XX عاسىردىڭ 70-جىلدارى جۋرناليستيكاعا اياق باسقان پۋبليتسيست، بۇقارالىق اقپارات قۇرالدارى سالاسىنداعى پرەزيدەنت سىيلىعىنىڭ تۇڭعىش لاۋرەاتى. كىسىلىگىنە كىشىلىگى ساي بولعان، كۇننىڭ قاي ۋاقىتى بولسا دا، گازەت تىرشىلىگىنىڭ باسى-قاسىندا بولعان ازامات. وتكەن عاسىردا دا، بۇگىن دە قازاقستانداعى ەڭ ىقپالدى گازەت – ەگەمەن قازاقستانعا ءتىلشى بولىپ كىرىپ، باس رەداكتورعا، كەيىننەن «ەگەمەن قازاقستان» رەسپۋبليكالىق گازەتى اشىق اكتسيونەرلىك قوعامىنىڭ پرەزيدەنتى لاۋازىمىنا دەيىن كوتەرىلگەن «ەگەمەننىڭ قارا نارى».
جاس جۋرناليستەرگە ەر-اعا بولعان، تالاپتى تالانتتاردىڭ شىعارماشىلىققا جولىن اشقان ەرجۇمان سمايىلدىڭ ەڭبەكتەرى ءوز زامانىنىڭ قوعامدىق پىكىرىن قالىپتاستىرۋدا، تاريحي فاكتىلەردىڭ بۇگىنگى كۇنگە دەيىن جەتۋىندە ۇلكەن ءرول اتقاردى.
كəسىبي جولىن تولىعىمەن گازەتتىڭ قارا جۇمىسىنا ارناعان ەر-اعانىڭ جازۋعا ارناعان كوپ ۋاقىتى بولمادى. توم-توم كىتاپ تا، گازەت-گازەت ماقالا دا جازبادى. بىراق ءپۋبليتسيستىڭ ءوزى كوسىلىپ قالام تەربەمەگەنىنە وكىنبەيتىنىن، جۋرناليستىك پوتەنتسيالىن تولىق اشپاعانى ءۇشىن جۇرەگىن جەگەن ۋايىمى بولماعانىن ايتادى. ونىڭ ايتۋىنشا، ءجۋرناليستىڭ بارلىعى جازۋ ءۇشىن جارالعان ادامدار ەمەس. 70 جىل عۇمىرىندا «اعالار ەسكە تۇسكەندە»، «Əۋلەت»، «دوستار ەسكە تۇسكەندە» جəنە «ءومىر دەگەن – جول ءۇستى» اتتى 4 كىتاپ جازدى. «Əۋلەت» جيناعىن جازۋداعى باستى ماقساتى مارقۇم əكەسىنىڭ ارمانىن ورىنداۋ، جۇزەگە اسىرۋ بولدى. وسى جيناق سمايىل əۋلەتىنىڭ قۇندى ءبىر قازىناسىنا اينالدى.
ءƏبىش كەكىلبايۇلىنان «ەگەمەننىڭ لوكوموتيۆى» دەگەن اتاۋ العان ەرجۇمان سمايىل كۇنى-ءتۇنى ۇيقى كورمەي ەڭبەك ەتىپ، شارشاۋدى بىلمەي، قانشا جىل وتسە دە ءبىر قالپىنان تايمادى. كوبىرەك رەداكتورلىق قىزمەتىنە دەن قويعان پۋبليتسيست از جازسا دا، وقىرماننىڭ كوكەيىنە جەتىپ، جۇرەگىنەن ورىن الاتىن ماقالالار جازدى. ساياساتتانۋشى بولسا دا، ساياساتكەر بولسا دا، ويعا العانىمەن وي تالاستىرىپ، ساياسي تاقىرىپتارعا، ءəلى ەشكىم جازا قويماعان تاقىرىپتارعا بايلانىستى قالام تەربەدى. مەملەكەت پەن ۇلتتىڭ مۇددەسى جايىندا، əلەۋمەتتىك- قوعامدىق ماڭىزى بار تاقىرىپتاردان دا الشاق بولعان جوق.
ايشات ناقا
