ارمەنيا پرەمەر-ءمينيسترى نيكول پاشينيان 9 مامىردا ماسكەۋدە وتەتىن شارالارعا قاتىسپايدى جانە ەل باسشىسىنىڭ جىل سايىنعى جەڭىس شەرۋىنە قاتىسۋىن وعاش سانايتىنىن ايتتى، دەپ حابارلايدى "ادىرنا" ۇلتتىق پورتالى interfax.ru سايتىنا سىلتەپ.
«ارمەنيا كوشباسشىسىنىڭ جىل سايىن 9 مامىردا وتەتىن شەرۋگە قاتىسۋى تاڭقالارلىق دۇنيە دەپ ويلامايسىز با؟» - دەگەن ساۋال قويىلدى ءباسپاسوز ءماسليحاتىندا.
«وتكەن جىلى مەن 9 مامىردا ماسكەۋدە وتكەن ءىس-شارالارعا قاتىستىم، جىل سايىن قاتىسۋدىڭ قاجەتى جوق دەپ ويلايمىن جانە ارمەنيانىڭ نەمەسە كەز كەلگەن مەملەكەتتىڭ كوشباسشىسى جىل سايىن قاتىسا بەرگەنى مەنىڭ ەسىمدە جوق»، - دەپ قوستى پرەمەر-مينيستر.
اتالمىش ءباسپاسوز ءماسليحاتىندا ول 8 مامىردا ماسكەۋگە جوعارى ەۋرازيالىق ەكونوميكالىق كەڭەستىڭ (ەاەك) مەرەيتويلىق سامميتىنە قاتىسۋعا باراتىنىن جانە رەسەي پرەزيدەنتى ۆلاديمير پۋتينمەن كەزدەسەتىنىن حابارلادى. ءبىر كۇن بۇرىن كرەملدە ەكىجاقتى كەزدەسۋ بولاتىنى حابارلاندى.
