وقۋشىلاردىڭ دەمالىسى مەن ساۋىعۋىن ۇيىمداستىرۋ جەرگىلىكتى اتقارۋشى ورگانداردىڭ، ازاماتتىق قوعامنىڭ جانە اتا-انالار قوعامىنىڭ ماڭىزدى مىندەتتەرىنىڭ ءبىرى بولىپ تابىلادى.
وقۋشىلاردىڭ جازعى دەمالىسىن ساپالى جانە قاۋىپسىز ۇيىمداستىرۋ ماقساتىندا اقمولا وبلىسى اكىمدىگىنىڭ جانىنان وبلىستىق شتاب قۇرىلدى. اي سايىن وقۋشىلاردىڭ دەمالىس وبەكتىلەرىنە باراتىن ۆەدومستۆوارالىق مونيتورينگتىك توپ قۇرىلدى.
«وبلىس اۋماعىندا بارلىعى 20 لاگەر جۇمىس ىستەيدى، ونىڭ ىشىندە: 1 رەسپۋبليكالىق ماڭىزى بار ورتالىق («بالداۋرەن» روسو), سولتۇستىك قازاقستان وبلىسى جانە استانا قالاسى ءبىلىم باسقارمالارىنىڭ ۆەدومستۆوسىنداعى 4 لاگەر، 7 جەكەمەنشىك لاگەر، 8 لاگەر وبلىستىڭ كوممۋنالدىق مەنشىگىندە» - دەدى بريفينگتە وبلىستىق ءبىلىم باسقارماسىنىڭ باسشىسى شوقان ورازالين.
وبلىستا جەكە قالا سىرتىنداعى لاگەرلەر جەلىسى دامۋدا. اعىمداعى جىلدىڭ ماۋسىم ايىندا تسەلينوگراد اۋدانىنىڭ قوياندى اۋىلىندا جوبالىق قۋاتى ءبىر ماۋسىمدا 350 بالا قامتيتىن «استانا كەمپ» جاڭا جەكەمەنشىك لاگەرىن اشۋ جوسپارلانعان.
الدىن الا مالىمەتتەر بويىنشا، لاگەرلەردە دەمالىسپەن شامامەن 14 500 بالا قامتىلادى.
قاۋىپسىزدىك ماقساتىندا لاگەرلەر ورنالاسقان جەرلەردە ۋچاسكەلىك ينسپەكتورلاردىڭ كۇندەلىكتى بارىپ تەكسەرۋى ۇيىمداستىرىلادى. اۋىسىم وتكىزۋ كەزەڭىندە وقۋشىلارمەن تجد جانە پد قىزمەتكەرلەرىمەن پروفيلاكتيكالىق ءىس-شارالار جۇرگىزىلەتىن بولادى.
قازىرگى ۋاقىتتا مەملەكەتتىك جانە جەكە لاگەرلەردىڭ قىزمەتكەرلەرى مەن پەداگوگيكالىق كادرلارى قۇقىق بۇزۋشىلىعىنىڭ جوقتىعىنا تەكسەرىلدى. لاگەرلەردىڭ بارلىق وكىلدەرىمەن سانيتارلىق-ەپيدەميولوگيالىق قاداعالاۋ، توتەنشە جاعدايلار دەپارتامەنتتەرىمەن بىرلەسىپ ءتۇسىندىرۋ سەمينارلارى وتكىزىلدى.
وقۋشىلاردىڭ ساپالى دەمالىسىن ۇيىمداستىرۋ، ەڭ الدىمەن، لاگەرلەر مەن قالا ورتالىقتارىنىڭ ينفراقۇرىلىمىنا بايلانىستى. ول ءۇشىن اقمولالىق 2 لاگەرلەرىن جاڭعىرتۋعا 2024 جىلى وبلىس بيۋدجەتىنەن 314,6 ملن. تەڭگە ءبولىندى.
قالا سىرتىنداعى لاگەرلەرگە قوسىمشا 488 مەكتەپ بازاسىندا شامامەن 76 مىڭ بالانىڭ قاتىسۋىمەن تاماقتاناتىن جانە تاماقتانبايتىن مەكتەپ جانىنداعى الاڭدار جۇمىس ىستەيتىن بولادى.
جاز بويى 7 مىڭعا جۋىق بالانىڭ قاتىسۋىمەن جازعى دەمالىستىڭ (شاتىر، كيىز ءۇي، ارحەولوگيالىق لاگەرلەر) 49 از شىعىندى نىسانىن اشۋ جوسپارلانعان. «تاۋەكەل توبىنداعى» 18 868 مىڭ اقمولا وقۋشىسى ءبىرىنشى كەزەكتە دەمالىس پەن ساۋىقتىرۋمەن قامتىلاتىن بولادى.
قالا سىرتىنداعى تەگىن دەمالىسپەن 3 مىڭعا جۋىق وقۋشى قامتاماسىز ەتىلەدى. «جالپىعا بىردەي ءبىلىم بەرۋ» قورىنان حالىقتىڭ الەۋمەتتىك وسال توپتارىنان شىققان بالالار ءۇشىن جولداما ساتىپ الۋعا شامامەن 121,5 ملن. تەڭگە جوسپارلانعان. اۋىل مەكتەپتەرىنىڭ 5-8 سىنىپ وقۋشىلارىنا ارنالعان لاگەرلەرگە 1005 جولدامانى «قازاقستان حالقىنا» قورى» ۇسىنىپ وتىر.
وسىلايشا، ساۋىقتىرۋ مەن دەمالىستىڭ بارلىق تۇرلەرىمەن 120 500 بالا قامتىلاتىن بولادى، ول وتكەن جىلعى كورسەتكىشتەن 12500-عا ارتىق.
