كوكشەتاۋدا وتكەن اقمولا وبلىستىق قازاقستان حالقى اسسامبلەياسىنىڭ XXVIII سەسسياسى – انك-نىڭ 30 جىلدىعىنا ارنالعان مەرەكەلىك ءىس-شارا عانا ەمەس، قوعامنىڭ بولاشاعى، ەل بىرلىگىنە ءار ازاماتتىڭ جاۋاپكەرشىلىگى تۋرالى مازمۇندى ديالوگ الاڭى بولدى. زالدا كۇندەلىكتى ومىردە ۇلتارالىق كەلىسىم مەن تاتۋلىقتى نىعايتۋ جولىندا ەڭبەك ەتىپ جۇرگەن، اۋىلداردا، مەكتەپتەردە، كوللەدجدەردە، مادەني ورتالىقتار مەن سپورت زالدارىندا حالىققا قىزمەت كورسەتىپ جۇرگەن ازاماتتار جينالدى.
سەسسيانى اقمولا وبلىسىنىڭ اكىمى مارات احمەتجانوۆ اشىپ، اسسامبلەيانىڭ ماڭىزىن اتاپ ءوتتى. ونىڭ پايىمداۋىنشا، اسسامبلەيا – پىكىر الماسۋعا ارنالعان الاڭنان گورى، قوعامدىق تۇراقتىلىقتى قامتاماسىز ەتۋ، ازاماتتىق بەلسەندىلىكتى ارتتىرۋ جانە ءوزارا قۇرمەت پەن ىنتىماقتاستىق اتموسفەراسىن قالىپتاستىرۋعا ارنالعان ناقتى قۇرال.
سەسسيانى اقمولا وبلىسىنىڭ اكىمى مارات احمەتجانوۆ اشىپ، اسسامبلەيانىڭ ماڭىزىن اتاپ ءوتتى. ونىڭ پايىمداۋىنشا، اسسامبلەيا – پىكىر الماسۋعا ارنالعان الاڭنان گورى، قوعامدىق تۇراقتىلىقتى قامتاماسىز ەتۋ، ازاماتتىق بەلسەندىلىكتى ارتتىرۋ جانە ءوزارا قۇرمەت پەن ىنتىماقتاستىق اتموسفەراسىن قالىپتاستىرۋعا ارنالعان ناقتى قۇرال.
«بۇگىن ءبىز ءبارىمىز انىق ءتۇسىنۋىمىز كەرەك: قازاقستان حالقى اسسامبلەياسىنىڭ ءرولى مادەني مۇرانى ساقتاۋ شەڭبەرىنەن اسىپ تۇسەدى. بۇل – ءتۇرلى ەتنوس، مادەنيەت پەن ءداستۇر وكىلدەرىن ورتاق قازاقستاندىق قۇندىلىقتار – بىرلىك، ءوزارا قۇرمەت پەن ازاماتتىق جاۋاپكەرشىلىك توڭىرەگىندە بىرىكتىرەتىن باستى قوعامدىق پلاتفورما»، – دەدى وبلىس باسشىسى.مارات احمەتجانوۆ سونىمەن قاتار پرەزيدەنت قاسىم-جومارت توقاەۆتىڭ استانادا وتكەن XXXIV سەسسياداعى مەملەكەتتىك ءتىلدى نىعايتۋ، جاستار اراسىندا توزىمدىلىكتى تاربيەلەۋ جانە قوعامدىق ينستيتۋتتاردىڭ ءرولىن ارتتىرۋ جونىندەگى ۇسىنىستارىن ورىنداۋ – ءوڭىر ءۇشىن ماڭىزدى مىندەت ەكەنىن جەتكىزدى.
«ۇلتارالىق جانە قوعامدىق كەلىسىم – جاي يدەولوگيالىق ۇران ەمەس. بۇل – ناقتى ساياسات، ناقتى ماقسات. ءبىز بەيبىتشىلىككە نەگىزدەلگەن ورتا قالىپتاستىرۋىمىز كەرەك. اسسامبلەيا وسى جۇمىستىڭ العى شەبىندە بولۋى ءتيىس»، – دەدى ول، ءار اۋدان مەن ولكەدە ناقتى جوبالاردى جۇزەگە اسىرۋعا ۇندەۋ جاساي وتىرىپ.سەنات دەپۋتاتى، اسسامبلەيا مۇشەسى گەننادي شيپوۆسكيح ءوز سوزىندە انك-نىڭ 1995 جىلى كونسۋلتاتيۆتىك ورگان رەتىندە قۇرىلعانىن ەسكە ءتۇسىرىپ، بۇگىن ول 13 باعدارلاما بويىنشا ناقتى ءىس-شارالار جۇرگىزىپ، ەلدىڭ قوعامدىق-ساياسي ومىرىندە سالماقتى ورىن العان حالىقارالىق دەڭگەيدەگى قۇرىلىمعا اينالعانىن اتاپ ءوتتى:
«اسسامبلەيانىڭ باستاپقى ميسسياسى – كونسۋلتاتسيالىق ورگان بولۋ ەدى. قازىر ول تەك ساقتالماي، مىقتىرىقتاي تۇسكەن قۇرىلىم. بۇگىن بىزگە دەكلاراتسيالار ەمەس، ناقتى ناتيجەلەر – ناقتى ۇلەس قاجەت»، – دەدى دەپۋتات.اسسامبلەيانىڭ ىزگى نيەت ەلشىسى، گيننەس رەكوردتارى كىتابىنىڭ رەكوردشىسى سەرگەي تسىرۋلنيكوۆ تىڭداۋشىلارعا «1000 اۋىل» جوباسىنىڭ ناتيجەلەرىن تانىستىرىپ، شىنايى ۇلگى كورسەتتى. ول:139 اۋىلدى قامتىپ، 70 مىڭنان استام بالانى سپورتقا تارتۋدى ۇيىمداستىرعان; از قامتىلعان وتباسىلارعا 500-دەن استام ءورت دابىلىن ورناتقان; بارلىق باستامالاردى بيۋدجەت ەسەبىنەن تىس، ءوز قارجىسى مەن سەرىكتەستەرىنىڭ دەمەۋى ارقىلى جۇزەگە اسىرعانىن ايتتى.
«مەن – شورتاندى اۋدانىنىڭ نوۆوكۋبانكا اۋىلىنىڭ قاراپايىم جىگىتىمىن. باتىرلىق – بۇل ەرتەگىدەگى ەرلىك ەمەس، ءدال قازىر ءوز اۋىلىڭ مەن ەلىڭ ءۇشىن ىستەگەن ناقتى ىستەر»، – دەدى سەرگەي تسىرۋلنيكوۆ.سەسسيا بارىسىندا «جۇمىسشى ماماندىقتار جىلى» اياسىندا كوللەدج وقىتۋشىلارىنىڭ WorldSkills قوزعالىسى مەن كاسىبي شەبەرلىك كونكۋرستارىنا ستۋدەنتتەردى تارتۋ، سونداي-اق ەرەكشە قاجەتتىلىكتەرى بار جاستاردى قولداۋ ماسەلەلەرى قارالدى. ءارى قاراي مادەني باعىت تا نازاردان تىس قالمادى: «ەل بىرلىگى» گرانتتارى اياسىندا ەتنومادەني بىرلەستىكتەرگە بولىنەتىن قارجى 5 ملن-عا دەيىن ۇلعايىپ، ءتىل كۋرستارى مەن مەرەكەلىك شارالاردى كەڭەيتۋگە مۇمكىندىك بەرىپ، ۇلتتىق ءپاتريوتيزمدى نىعايتۋعا قىزمەت ەتەتىندىگى ايتىلدى. سەسسيا سوڭىندا «قازاقستان حالقى اسسامبلەياسىنا – 30 جىل» مەرەيتويلىق مەدالدەرى ۇلتارالىق ديالوگ پەن تاتۋلىقتى نىعايتۋعا ۇلەس قوسقان بىرقاتار ازاماتتار مەن قوعامدىق ۇيىم وكىلدەرىنە تابىستالدى. XXVIII سەسسيا يدەيا مەن ناقتى ىسكە قوسىلعان جوبالاردى ۇشتاستىرا وتىرىپ، قوعام بىرلىگىن نىعايتۋ مەن وڭىرلەردە تاتۋلىقتى دامىتۋدىڭ ناقتى قادامدارىن انىقتادى.
