بيىل وڭىردە 138 مىڭنان استام وقۋشى مەكتەپ بىتىرەدى، بۇل وتكەن جىلمەن سالىستىرعاندا 3 مىڭعا كوپ. ال ونىڭ ىشىندە 9-سىنىپتى 12693 تۇلەك، 11-سىنىپ 4967 تۇلەك اياقتايدى.
11 سىنىپتىڭ 242 تۇلەگى «التىن بەلگى» توسبەلگىسىن الۋعا جانە 365 تۇلەك ۇزدىك اتتەستاتقا ۇمىتكەرلەر.
وندىرىستىك قاجەتتىلىككە بايلانىستى وبلىستا بۇلاندى مەن جارقايىڭ اۋدانىنىڭ 4 مەكتەبى جاعداي تۇراقتالعانعا دەيىن 2023-2024 وقۋ جىلىنىڭ 4-ءشى توقسانىندا بجب جانە تجب تاپسىرۋى اۋىستىرىلدى.
سۋ تاسقىنى بولعان ايماقتارى قورىتىندى ەمتيحانداردى تاپسىرۋدان بوساتىلمايدى.
11 سىنىپ ءۇشىن قورىتىندى اتتەستاتتاۋ اعىمداعى جىلدىڭ 28 مامىرىنان 11 ماۋسىمىنا دەيىن وتەدى، 9 سىنىپ ءۇشىن - اعىمداعى جىلدىڭ 29 مامىرىنان 10 ماۋسىمىنا دەيىن وتەدى.
تاعى ايتا كەتەتىن جايت، ءبىزدىڭ وبلىسىمىزدىڭ بىرقاتار اۋداندارىندا توتەنشە جاعداي رەجيمىنىڭ جاريالانۋىنا بايلانىستى وبلىستا ۇلتتىق بىرىڭعاي تەستىلەۋ اعىمداعى جىلدىڭ 25 مامىرىنان 12 شىلدەسىنە دەيىن وتكىزىلەتىن بولادى. قالعان وڭىرلەردە تەستىلەۋ 2024 جىلعى 16 مامىردان 5 شىلدەگە دەيىن وتەدى.
ءبىلىم بەرۋ ساپاسىن ارتتىرۋ، ءبىلىم الۋشىلاردىڭ، ونىڭ ىشىندە ۇلگەرىمى تومەن ءبىلىم الۋشىلاردىڭ بىلىمىندەگى ولقىلىقتاردىڭ ورنىن تولتىرۋ ماقساتىندا 2024 جىلعى 27 مامىر مەن 31 مامىر ارالىعىندا جانە اعىمداعى جىلعى 26-30 تامىز ارالىعىندا باستاۋىش، نەگىزگى جانە جالپى ورتا ءبىلىم بەرۋدىڭ نەگىزگى پاندەرى بويىنشا 1-8, 10 سىنىپ وقۋشىلارى ءۇشىن جازعى مەكتەپ ۇيىمداستىرىلادى.
