بۇگىن، 24 مامىردا ونەركاسىپ جانە قۇرىلىس ءمينيسترى قانات شارلاپاەۆ ۋتيلالىمدى الىپ تاستاۋ تالاپ ەتىلگەن پەتيتسيا تۋرالى پىكىر ءبىلدىردى، دەپ حابارلايدى «ادىرنا» ءتىلشىسى.
مينيستر بۇل ماسەلەنى كوبىنە قايتا ساتۋمەن اينالىساتىندار كوتەرەتىنىن اتاپ ءوتتى.
«قارسىلىق بىلدىرۋشىلەرمەن 17 مامىردا كەزدەستىم. ۇلكەن جينالىس ءوتتى، پارلامەنت دەپۋتاتتارى قاتىستى. قارىسىلىق بىلدىرەتىن توپ اتىنان 12 ادام كەلدى. ءبىز مەملەكەتتىك ساياساتتاعى وزگەرىستەرگە قاتىستى پىكىرىمىزدى بولىستىك. بىراق كوبىنە بۇل ادامدار شەتەلدەن كولىك ساتىپ الىپ، ەلگە اكەلىپ، وسىندا ساتۋ ارقىلى اقشا تاباتىنى انىقتالدى»،—دەدى ول.
قانات شارلاپاەۆ ۇكىمەتتە ۋتيلالىمدى جويۋ ماسەلەسى تالقىلانىپ جاتپاعانىن مالىمدەدى.
«پەتيتسياعا بۇگىندە 49200 ادام قول قويعان. ءتيىستى داۋىس جينالعاننان كەيىن ۇكىمەت ماسەلەنى ءوز قاراماعىنا الادى دەپ ويلايمىن. قازىرگى تاڭدا ءبىز ۋتيليزاتسيالىق الىمدى الىپ تاستاۋدى قاراستىرىپ جاتقان جوقپىز»،—دەپ تۇيىندەدى مينيستر.
ايتا كەتەيىك، بۇعان دەيىن سەنات دەپۋتاتى ءالي بەكتاەۆ اۋىل شارۋاشىلىعى تەحنيكاسىنا ۋتيليزاتسيا الىمىن الىپ تاستاۋدى ۇسىنعان ەدى.
