حالىقارالىق جەڭىل اتلەتيكا فەدەراتسياسى پاريج وليمپياداسىنا قاتىساتىن سپورتشىلاردىڭ تولىق ءتىزىمىن شىعاردى، دەپ حابارلايدى “ادىرنا” ۇلتتىق پورتالى.
الەمدىك رەيتينگىنىڭ قورىتىندىسىنا سايكەس، بيىلعى جىلدىڭ باستى دوداسىندا ەل نامىسىن 7 اتلەت قورعايدى. ولار:
جاننا ماماجانوۆا (مارافون);
نورا دجەرۋتو (3000 م كەدەرگىلەرمەن);
نادەجدا دۋبوۆيتسكايا (بيىكتىككە سەكىرۋ);
داۆيد ەفرەموۆ (كەدەرگىلەرمەن 110م);
ولگا سافرونوۆا (200م);
دەيزي دجەپكەمەي (3000م كەدەرگىلەرمەن، 10كم);
ەليزاۆەتا ماتۆەەۆا (بيىكتىككە سەكىرۋ).
ايتا كەتەيىك، قازىر قازاقستان قۇراماسى اتالعان سىنعا 80-نەن استام جولداما يەلەندى. ال،
جالپى فرانتسيا استاناسىندا الاۋى تۇتاناتىن جارىسقا الەمنىڭ 200-گە جۋىق ەلىنەن 10 مىڭنان استام سپورتشى قاتىسادى. ءدۇبىرلى دودادا سپورتتىڭ 32 تۇرىنەن 329 مەدال جيىنتىعى ساراپقا سالىنادى.
بۇل – پاريج وليمپياداسى قازاقستاننىڭ تاۋەلسىز ەل رەتىندە قاتىسقالى وتىرعان سەگىزىنشى جازعى وليمپياداسى بولماق. سونداي-اق ەۋروپا قۇرلىعىندا ءۇشىنشى رەت (افينا، لوندون، پاريج) باق سىنايدى.
ەستەرىڭىزگە سالا كەتەيىك، بيىلعى جىلدىڭ باستى دوداسى 26 شىلدە مەن 11 تامىز ارالىعىندا وتەدى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز