بۇگىن تۇركىستاندا «تازا قازاقستان» ەكولوگيالىق اكتسياسى اياسىندا اۋقىمدى تازالىق شاراسى ءوتتى. قورشاعان ورتانى قورعاۋعا ۇندەيتىن «قالا تازالىعى – پەرزەنتتىك پارىزىم» ەكولوگيالىق اكتسياسى قالانىڭ 10 اۋماعىندا ۇيىمداستىرىلدى.
اتاپ ايتساق، ق.ا.ياساۋي كەسەنەسى مەن «حانشايىم پلازا» كەشەنى، كۇلتوبە قالاشىعى اۋماقتارىندا، «جەڭىس» ساياباعى مەن «وتىرار» مولتەك اۋدانىنداعى 36, 37, 38, 39, 40 كوپقاباتتى تۇرعىن ءۇي اۋلالارىندا، سونداي-اق القوجا اتا، الشىن، داستانوۆ، ناحيپوۆ، ايتەكە بي، ع.مۇسىرەپوۆ كوشەلەرىندە ءوتتى.
كەزەكتى تازالىق كۇنىنە 1000-عا جۋىق ازامات قاتىستى. 30-عا جۋىق تەحنيكا جۇمىلدىرىلىپ، 18 مەكەمە قىزمەتكەرلەرى مەن قالا تۇرعىندارى اتسالىستى. بەلگىلەنگەن اۋماقتار تازالانىپ، اعاشتاردى كۇتىپ-باپتاۋ جۇمىستارى جۇرگىزىلدى. سەنبىلىك ناتيجەسىندە قالا كوشەلەرىنەن 300 تونناعا جۋىق قوقىس شىعارىلدى.
تازالىق اكتسياسى اياسىندا ءار اپتا سايىن قالا اكىمدىگىنە قاراستى مەكەمە قىزمەتكەرلەرى ءوز عيماراتتارى مەن كوشەلەرىنە سەنبىلىك وتكىزىپ، ەكولوگيالىق اكتسياعا بەلسەندىلىك تانىتىپ وتىر.
سونداي-اق ءار اپتا سايىن تازالىق كۇندەرىنە بايلانىستى سانيتارلىق تازالاۋ جۇمىستارى جۇرگىزىلەدى.
