تۇركىستان وبلىسى توتەنشە جاعدايلار دەپارتامەنتىنىڭ قۇتقارۋشىلارى 16 جاستاعى قىزدى ىزدەپ جاتىر، دەپ حابارلايدى «ادىرنا» ءتىلشىسى.
وقىس وقيعا 28 شىلدەدە بولعان.
«ساعات 10:41-دە وبلىستىق تجد كەزەكشى پۋلتىنە قاسقاسۋ اۋىلىنان 15 شاقىرىم قاشىقتا ورنالاسقان سايرام-سۋ تاۋلى وزەنىنە ءجاسوسپىرىم قىزدىڭ سۋعا باتىپ كەتكەنى تۋرالى اقپارات ءتۇستى. دوستارىنىڭ ايتۋىنشا، ول فوتوسەسسيا جاساۋ كەزىندە ابايسىزدا وزەنگە قۇلاعان»،—دەلىنگەن حابارلامادا.
ىزدەستىرۋ-قۇتقارۋ جۇمىستارىنا تۇركىستان وبلىسى تجد 54 قىزمەتكەرى، 1 ءجۇزۋ قۇرالى جانە 4 تەحنيكا، تۇركىستان وبلىسى پد 6 قىزمەتكەر جانە 3 تەحنيكا، جەرگىلىكتى اتقارۋشى ورگانداردىڭ 11 قىزمەتكەرى جۇمىلدىرىلدى.
