«دەنساۋلىق جولى» ۇلتتىق باعدارلاماسىن جۇزەگە اسىرۋ شەڭبەرىندە 2019 جىلدىڭ 19 تامىزى مەن 30 تامىز ارالىعىندا اقپاراتتىق-كوممۋنيكاتسيالىق اكتسياسى باستالدى، دەپ حابارلايدى adyrna.kz ۇلتتىق پورتالى ءتىلشىسى وبلىس اكىمدىگىنىڭ دەنساۋلىق ساقتاۋ باسقارماسىنىڭ ءباسپاسوز قىزمەتىنە سىلتەمە جاساپ.
اۋقىمدى اكتسيانى جامبىل وبلىسى اكىمدىگى دەنساۋلىق ساقتاۋ باسقارماسى مەن وبلىس بويىنشا سالاۋاتتى ءومىر سالتى جۇمىستارىنا باعىتتالعان «زەر-كۇمىس» جاۋاپكەرشىلىگى شەكتەۋلى سەرىكتەستىگىنىڭ ۇيىمداستىردى. وسىعان وراي، تاراز قالاسىندا باۋىرجان مومىشۇلى اتىنداعى «جەڭىس» ساياباعىندا «دەنساۋلىق جولى» اتتى اكتسياسىنىڭ باستالۋىنا ارنالعان سالتاناتتى جيىن ءوتتى.
جيىندا وبلىستىق دەنساۋلىق ساقتاۋ باسقارماسى قوعامدىق دەنساۋلىق ساقتاۋ ءبولىمىنىڭ باسشىسى گاۋحار دوسمايلوۆا ءسوز سويلەپ، اكتسيانىڭ ءمان-جايىن ءتۇسىندىردى. ونىڭ ايتۋىنشا، اكتسيا ارقىلى تاعام قۇرامىنداعى تۇز، قانت، مايلارى كوپ ازىق-تۇلىكتەردى تۇتىنۋدى شەكتەۋ نەمەسە باس تارتۋعا شاقىرۋ.
– ياعني، اقپاراتتاندىرۋ ارقىلى حالىق دەنساۋلىعىن ساقتاۋ مەن نىعايتۋ، دەنەنىڭ ارتىق سالماعى مەن سەمىزدىكتىڭ قاۋپىن ازايتۋ قاجەت. ءبىز «دەنساۋلىق جولى» اتتى اكتسياسى ارقىلى حالىقتى پايدالى اقپاراتپەن قامتىپ، دەنساۋلىعىن كۇتۋگە شاقىرامىز. سونداي-اق قۇرامىندا كارديولوگ، ەندوكرينولوگ، ونكولوگ، وكۋليست، گينەكولوگ، نەۆروپاتولوگ جانە «زەرە - كۇمىس» جشس ماماندارىنان قۇرىلعان ءموبيلدى مەديتسينالىق بريگادا اۋدانداردى ارالاپ، حالىقتىڭ دەنساۋلىعىن تەكسەرەدى. بايزاق اۋدانىنان باستالاتىن اكتسيا، وبلىستىق بارلىق 10 اۋدانىن قامتيتىن بولادى. شارا بارىسىندا دارىگەرلەر اۋداندارداعى ورتالىق الاڭدا اشىلعان شاعىن «مەديتسينالىق قالاشىقتا» تۇرعىنداردىڭ قان قىسىمىن، قانداعى حولەستەرين دەڭگەيىن ولشەپ، جۇقپالى ەمەس اۋرۋلاردىڭ الدىن الۋ بويىنشا كەڭەستەر بەرەدى. قاجەتتىلىك تۋعان جاعدايدا تەكسەرىلۋگە كەلگەن تۇرعىنداردى دەنساۋلىعىنداعى كىناراتىنىڭ انىقتالۋىنا بايلانىس-تى وڭىردەگى ەمدەۋ مەن وڭالتۋ ورتالىقتارىنا جىبەرەدى، – دەدى ول.
شارا اياسىندا قالالىق جانە اۋىلدىق جەرلەردەگى شارالارمەن قاتار ۇلتتىق باعدارلاما وتكىزۋ كەزىندە تەراپەۆت، كارديولوگيا، ەندوكرينولوگيا، ونكولوگيا قىزمەتى مەن سالاۋاتتى ءومىر سالتىن قالىپتاستىرۋ قىزمەتتەرىنىڭ ماماندارىن تارتۋ ارقىلى شالعايداعى اۋىلدىق اۋداندارعا كوشپەلى قوزعالمالى مەديتسينا كەشەنى قىزمەت ەتەدى.
سالتاناتتى جيىندا جامبىل مەديتسينالىق كوللەدجى بىلىمگەرلەرىنىڭ مەرەكەلىك كونتسەرتى تۇرعىندارعا كەرەمەت كوڭىل-كۇي سىيلادى. ويتكەنى دارىگەرلەر كوڭىل-كۇيدىڭ جاقسى بولۋى دەنساۋلىقتى نىعايتاتىنىن ايتادى.
"ادىرنا" ۇلتتىق پورتالى
