كەڭگىر اۋىلىندا سپورت كەشەنى بوي كوتەرەدى

نىسان قۇرىلىسى بيىل باستالادى. اۋماعى 1500 شارشى مەتردەن اساتىن كەشەندە شاعىن فۋتبول، ۆولەيبول وتكىزۋگە ارنالعان ايماقتار، تەننيس كورتى، باسكەتبول الاڭى، جۇگىرۋ جولاعى، سپورت قۇرال-جابدىعىن ساقتاۋعا ارنالعان، جاتتىقتىرۋشىلار مەن كۇزەتشىلەرگە قاجەت ورىندار، كيىم اۋىستىراتىن، جۋىناتىن بولمەلەرى كوزدەلگەن. ول ءۇشىن بۇگىن «Samruk-Kazyna Trust» قورىنىڭ باس ديرەكتورى الفيا اديەۆا مەن «قازاقمىس» كورپوراتسياسى» جشس ورنىقتى دامۋ جونىندەگى ديرەكتورى ساكەن شاياحمەتوۆ ءتيىستى ىنتىماقتاستىق تۋرالى مەموراندۋمعا قول قويدى. ۋاعدالاستىق اياسىندا ەكى جاق الەۋمەتتىك جوبالاردى، ونىڭ ىشىندە ۇلىتاۋ وبلىسىنىڭ كەڭگىر اۋىلىندا اۋا-تىرەك قۇرىلىمىنداعى كوپسالالى سپورت كەشەنىنىڭ قۇرىلىسى جوباسىن جۇزەگە اسىرادى. «ۇلىتاۋ وبلىسىنداعى «قازاقمىس» كورپوراتسياسىمەن بىرلەسە سالۋ جوسپارلانعان جاڭا سپورت نىسانى قوس تاراپتىڭ ىنتىماقتاستىعى مەن وڭىرلەردى قولداۋدا جەمىستى قادام بولاتىنى انىق»، - دەپ اتاپ ءوتتى الفيا اديەۆا.