الماتى وبلىسىنىڭ تالعار قالاسىندا قوعامدىق ءتارتىپ پەن تۇراقتىلىقتى قاداعالاۋ قىزمەتىن اتقارۋ ءۇشىن ۇلتتىق ۇلان اسكەري ءبولىمىنىڭ جەكە قۇرامى جۇمىلدىرىلدى، دەپ حابارلايدى «ادىرنا» ءتىلشىسى.
«وتكىزىلەتىن ءىس-شارالار قاۋىپسىزدىكتى قامتاماسىز ەتۋگە جانە قوعامدىق ءتارتىپتى ساقتاۋعا باعىتتالعان. ازاماتتاردان اسكەريلەردىڭ مىندەتىنە تۇسىنىستىكپەن قاراۋدى سۇرايمىز»، - دەلىنگەن حابارلامادا.
ەسكە سالايىق، 4 قازانعا قاراعان ءتۇنى 16 جاستاعى شەرزات بولات كىسى قولىنان قازا تاپقان بولاتىن. ءجاسوسپىرىمدى ءولتىردى دەگەن كۇدىكپەن 7 ادام ۇستالدى. ال 12 قازانعا قاراعان ءتۇنى مارقۇمنىڭ ءۇيى ورتكە وراندى. پوليتسيا بوتەننىڭ مۇلكىن قاساقانا جويۋ فاكتىسى بويىنشا قىلمىستىق ءىس قوزعادى.
