الماتىدا ءبىر قاباتتى كافە ورتەنىپ كەتتى

1086
Adyrna.kz Telegram
https://adyrna.kz/content/uploads/2024/05/img_6146-960x500.jpeg?token=19a41533c1bcac5ae26c22db76f0a4e6
بۇگىن ساعات 12 شاماسىندا الماتىداعى ماقاتاەۆ كوشەسىندەگى كافە ورتەندى، دەپ حابارلايدى «ادىرنا» ۇلتتىق پورتالى. تجد كۇشتەرى بۇل جەرگە قوڭىراۋ شالعاننان كەيىن بەس مينۋتتا كەلگەن. ءتۇتىننىڭ سورعىشتان شىققانى انىقتالدى. ءورت سوندىرۋشىلەر عيماراتتىڭ شاتىرىن اشتى. ساعات 12: 52-دە ءورت وقشاۋلانىپ، 13:18-دە، 280 شارشى مەتر اۋماقتا تولىعىمەن جويىلدى. قۇتقارۋشىلار عيماراتتان ءۇش وتتەگى تسيستەرناسىن الىپ شىقتى. كافە اكىمشىلىگى ىشىندە كەلۋشىلەر جوق ەكەنىن حابارلادى. بۇگىن قاراعاندى وبلىسىنىڭ ساران قالاسىندا دا ءورت شىعىپ، تجم قۇتقارۋشىلارى 3 بالانى ەۆاكۋاتسيالاعان بولاتىن.
پىكىرلەر