ەسكە سالايىق، 16 تامىزدا Nur Otan-نىڭ پارتيالىق ءتىزىمى بويىنشا گۇلشارا ابدىقالىقوۆاعا، نۇرجان الىمجانوۆقا، نۇرجان اشىمبەتوۆكە جانە جۇلدىز وماربەكوۆاعا پارلامەنت ءماجىلىسى دەپۋتاتتارىنىڭ مانداتتارىن بەرۋ تۋرالى شەشىم قابىلدانعان ەدى. قر پارلامەنتى ءماجىلىسى اپپاراتى ءباسپاسوز قىزمەتىنىڭ Tengrinews.kz ساۋالحاتىنا بەرگەن جاۋابىندا جاڭا دەپۋتاتتاردىڭ جالاقىسى جانە وعان قوسىلاتىن ۇستەمە تىكەلەي ەلىمىزدىڭ زاڭ تالاپتارى اياسىندا جۇزەگە اسىرىلاتىنى ايتىلادى.
"بەكىتىلگەن زاڭناماعا سايكەس، قازىرگى ۋاقىتتا قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ جالاقىسى - 684 874 تەڭگە جانە بۇل سوماعا دەپۋتاتتىڭ ەڭبەك وتىلىنە قاراي ۇستەمە قوسىلادى", - دەلىنگەن رەسمي جاۋاپتا. سونداي-اق، ءباسپاسوز قىزمەتىندەگىلەردىڭ مالىمەتىنشە، سوڭعى رەت ءماجىلىس دەپۋتاتتارىنىڭ جالاقىسى 2017 جىلى قازان ايىندا وزگەرگەن. بۇل مەملەكەتتىك ورگان باسشىلارى ورىنباسارلارىنىڭ جالاقىسى دەڭگەيىمەن سايكەس كەلەدى. گۇلشارا ابدىقالىقوۆا 2019 جىلدىڭ 25 اقپانىنان باستاپ ۆيتسە-پرەمەر قىزمەتىن اتقارعان. نۇرلان ءالىمجانوۆ "ەلباسى جولى" كينوەپوپەياسىندا نۇرسۇلتان نازارباەۆتى سومداعان. نۇرجان اشىمبەتوۆ 2018 جىلدىڭ تامىز ايىنان باستاپ اكىم قىزمەتىن اتقارعان. جۇلدىز وماربەكوۆا 2019 جىلى 10 ساۋىردە اقپارات جانە قوعامدىق دامۋ ۆيتسە-ءمينيسترى بولىپ تاعايىندالعان. ءۇش بالانىڭ اكەسى، كىتاپقۇمار، 8-سىنىپتا ءان جازعان. ءسىز كىمسىز، نۇرلان ءالىمجانوۆ؟ ايتا كەتەيىك، پارلامەنت دەپۋتاتىنىڭ وكىلەتتىگى ونى ورتالىق سايلاۋ كوميسسياسى تىركەگەن كەزدەن باستالادى. ماجىلىسمەندەردىڭ باسقا وكىلدى ورگاننىڭ دەپۋتاتتارى بولۋعا، وقىتۋشىلىق، عىلىمي نەمەسە وزگە دە شىعارماشىلىق قىزمەتتەن باسقا اقى تولەنەتىن وزگە دە قىزمەتتەردى اتقارۋعا، كاسىپكەرلىك قىزمەتتى جۇزەگە اسىرۋعا، كوممەرتسيالىق ۇيىمنىڭ باسشى ورگانىنىڭ نەمەسە بايقاۋشى كەڭەسىنىڭ قۇرامىنا كىرۋگە قۇقىعى جوق. بۇل ەرەجەنى بۇزۋ دەپۋتاتتىڭ وكىلەتتىگىن توقتاتۋعا اكەپ سوعادى.
دەرەككوز: Tengrinews.kz
"ادىرنا" ۇلتتىق پورتالى
