وتكەن جىلى قازاقستان رەسپۋبليكاسىنىڭ ساۋدا جانە ينتەگراتسيا مينيسترلىگى «ساپالى ءونىم» جوباسىن ىسكە قوستى. بقو ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتىنىڭ باسشىسى ەلميرا كيماتوۆانىڭ ايتۋىنشا، جوبا تۇتىنۋشىلاردى قورعاۋ جونىندەگى ۇكىمەتتىك ەمەس سەكتوردى، جەرگىلىكتى اتقارۋشى جانە وكىلدى ورگانداردىڭ، سونداي-اق كاسىپكەرلىك قوعامداستىق تىڭ وكىلدەرىن وتاندىق وندىرۋشىلەرمەن تۇتىنۋشىلاردى قاۋىپتى جانە ساپاسىز ونىمدەردەن قورعاۋدى قامتاماسىز ەتۋ جونىندەگى جالپىۇلتتىق مۇددەلەردى ىسكە اسىرۋعا تارتۋ، پاراساتتى باسەكەلەستىكتى دامىتۋ ءۇشىن جاعدايلار جاساۋدى كوزدەيدى.
اتالعان جوبانى ىسكە اسىرۋ ماقساتىندا ۇكىمەتكە جانە مەملەكەتتىك ورگاندارعا، «اتامەكەن» ۇلتتىق كاسىپكەرلەر پالاتاسىنا ىشكى نارىقتى جانە وتاندىق وندىرۋشىلەردى قورعاۋعا باعىتتالعان ساۋدا ساياساتىندا رەتتەۋشى شارالاردى ازىرلەۋ تاپسىرىلدى.
جوعارىدا اتالعان ءىس-شارانى ىسكە اسىرۋ ماقساتىندا باتىس قازاقستان وبلىسىنىڭ قوعامدىق دامۋ باسقارماسى مەملەكەتتىك الەۋمەتتىك تاپسىرىس شەڭبەرىندە «ازاماتتىق قوعامدى دامىتۋ جاعدايىندا تۇتىنۋشىلاردىڭ قۇقىقتارىن قوعامدىق باقىلاۋدى جانە قورعاۋدى قامتاماسىز ەتۋ جونىندەگى ءىس-شارالاردى ۇيىمداستىرۋ» تاقىرىبىندا جوبا بويىنشا كونكۋرس جاريالادى. بايقاۋ جەڭىمپازى «باتىس قازاقستان وبلىستىق تۇتىنۋشىلاردىڭ قۇقىقتارىن قورعاۋ قوعامى» قوعامدىق بىرلەستىگى بولىپ تانىلدى، بىرلەستىك توراعاسى دارينا تەلاگيسوۆا ءىس-شارالاردى جۇزەگە اسىرادى.
بقو ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتىنىڭ باسشىسى ەلميرا نۇرقىزى جوباعا ساۋدا جانە تۇتىنۋشىلاردىڭ قۇقىقتارىن قورعاۋدەپارتامەنتىمەن قوعامدىق بىرلەستىكتەن باسقا، سانيتارلىق-ەپيدەميولوگيالىق باقىلاۋ دەپارتامەنتى، تەحنيكالىق رەتتەۋ جانە مەترولوگيا دەپارتامەنتى، قوعامدىق دامۋ باسقارماسى سياقتى مەملەكەتتىك ورگاندار تارتىلعانىن جەتكىزدى. وسى جوبا شەڭبەرىندە مەملەكەتتىك ورگاندارمەن بىرلەستىكتەردىڭ جۇمىس الگوريتمى جاساقتالعان.
قوعامدىق بىرلەستىك قالانىڭ ساۋدا وبەكتىلەرىندە تاماق ونىمدەرىن ساتىپ الۋدى جۇرگىزەدى، سودان كەيىن ءونىم زەرتتەۋ حاتتامالارىن الۋ ءۇشىن ساراپتاما ورتالىعىنىڭ فيليالدارىنا تاپسىرىلادى.
ءارى قاراي، زەرتتەۋ حاتتامالارىن بىرلەستىك ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتىنە جىبەرەدى. مەملەكەتتىك ورگان ءونىمنىڭ ءار ءتۇرلى كورسەتكىشتەر بويىنشا بەلگىلەنگەن ستاندارتتارعا سايكەس كەلمەۋى بولعان كەزدە حاتتامالارمەن قوسا اقپارات سانيتاريالىق-ەپيدەميولوگيالىق باقىلاۋ دەپارتامەنتىنە، تەحنيكالىق رەتتەۋ جانە مەترولوگيا كوميتەتىنىڭ دەپارتامەنتىنە جىبەرىلەدى.
مۇندا ءاربىر مەملەكەتتىك ورگان ءوز قۇزىرەتى شەڭبەرىندە ءىس-شارالاردى پىسىقتايدى، ماسەلەن سانيتارلىق-ەپيدەميولوگيالىق قىزمەت ورگاندارى ساتۋشىلاردى اكىمشىلىك جاۋاپكەرشىلىككە تارتادى، تەحنيكالىق رەتتەۋ ورگاندارى – تاماق ونىمدەرىنە ارنالعان دەكلاراتسيالاردىڭ كۇشىن جويۋ بولىگىندە.
– جوبا اياسىندا قانشا سىناما الىنعانى جانە قانداي نىسانداردا قانداي بۇزۋشىلىقتار انىقتالعانى تۋرالى قوعامدىق بىرلەستىكتىڭ توراعاسى ايتىپ بەرەدى. بارلىق دەرلىك ساۋدا وبەكتىلەرىندە جارامدىلىق مەرزىمى وتكەن تاماق ونىمدەرىنىڭ بولۋى انىقتالعانىن اتاپ وتكىم كەلەدى. وسىعان بايلانىستى كاسىپكەرلىك سۋبەكتىلەرىنە جۇگىنەمىن، جارامدىلىق مەرزىمى وتكەن تاماق ونىمدەرىن ساتۋ زاڭناما تالاپتارىن ورەسكەل بۇزۋ بولىپ تابىلادى. ساۋدا وبەكتىلەرىنىڭ باسشىلىعى تاۋارلاردىڭ وتكىزىلۋىنە باقىلاۋدى كۇشەيتۋى، جارامدىلىق مەرزىمى وتكەن ونىمدەردى ساۋدا سورەلەرىنەن ۋاقتىلى الىپ تاستاۋى قاجەت. وسى جوبا شەڭبەرىندە بىرلەسكەن جۇمىس اعىمداعى جىلدىڭ سوڭىنا دەيىن جۇرگىزىلەتىن بولادى. جوبا ارقىلى كاسىپكەرلىك سۋبەكتىلەرىنىڭ نازارى وسى ماسەلەگە تارتىلادى جانە ءبىزدىڭ ساۋدا وبەكتىلەرىندە تەحنيكالىق جانە سانيتارلىق رەگلامەنتتەردىڭ تالاپتارىنا سايكەس كەلەتىن تاماق ونىمدەرى ىسكە اسىرىلاتىن بولادى دەپ ۇمىتتەنەمىز، – دەيدى باسقارما باسشىسى.
