ىشكى ىستەر مينيسترلىگى كەنتاۋ قالاسىندا «حيزب-ۋت-تاحرير» ءدىني-ەكسترەميستىك ۇيىمىنىڭ جاسىرىلعان توبىن انىقتادى، دەپ حابارلايدى «ادىرنا» ءتىلشىسى
رەسمي مالىمەتتەرگە سۇيەنسەك، بۇل ۇيىمنىڭ يدەولوگياسى ەلدە زايىرلى كونستيتۋتسيالىق قۇرىلىمدى قۇلاتىپ، «شاريعات» نورمالارىن ەنگىزۋگە باعىتتالعان.
«جەدەل-ىزدەستىرۋ ءىس-شارالارى بارىسىندا توپ مۇشەلەرىنىڭ تەرروريزم يدەيالارىن ناسيحاتتاۋعا، سونداي-اق ءدىني كوزقاراستى قورلاۋعا قاتىستى فاكتىلەر انىقتالدى. توپ مۇشەلەرى "حيزب ۋت-تاحرير" شەتەلدىك راديكالدى ۋاعىزشىلارىنىڭ دارىستەرىن الۋ جانە تاراتۋ ءۇشىن ينتەرنەت-رەسۋرستاردى پايدالانعان. توپ جەتەكشىسى بۇعان دەيىن تىيىم سالىنعان ءدىني-ەكسترەميستىك ۇيىمنىڭ قىزمەتىنە قاتىسقانى ءۇشىن سوتتى بولعان. جۇرگىزىلگەن شارالار ناتيجەسىندە 10 كۇدىكتى ۇستالدى»،—دەلىنگەن حابارلامادا.
ولاردىڭ تۇرعىلىقتى جەرلەرىن ءتىنتۋ كەزىندە ءدىني-ەكسترەميستىك ادەبيەتتەر مەن باسقا دا زاتتاي دالەلدەمەلەر تاركىلەندى.
قازىرگى ۋاقىتتا تەرروريزمدى ناسيحاتتاۋ جانە ءدىني الاۋىزدىقتى قوزدىرۋ بەلگىلەرى بويىنشا سوتقا دەيىنگى تەرگەۋ جۇرگىزىلىپ جاتىر.
https://youtu.be/yu2iekBcqM0?si=mMhxOpRomaN9WNz9
