15 قاراشا كۇنى ساعات 19.00-دە جامبىل اتىنداعى قازاق مەملەكەتتىك اكادەميالىق فيلارمونياسىنىڭ ۇلكەن زالىندا تولەپبەرگەن ابدىراشەۆ اتىنداعى قر مەملەكەتتىك اكادەميالىق سيمفونيالىق وركەسترىنىڭ كونتسەرتى وتەدى.
مەرەكەلىك كەشتىڭ كوركەمدىك جەتەكشىسى جانە باس ديريجەرى - قانات وماروۆ. ديريجەر — قازاقستاننىڭ ەڭبەك سىڭىرگەن قايراتكەرى – ەربولات احمەدياروۆ.
كونتسەرتكە ب.بايقاداموۆ اتىنداعى مەملەكەتتىك حور كاپەللاسى قاتىسادى. ونىڭ كوركەمدىك جەتەكشىسى جانە باس ديريجەرى — قازاقستاننىڭ ەڭبەك سىڭىرگەن قايراتكەرى، «قۇرمەت» وردەنىنىڭ كاۆالەرى — بەيىمبەت دەمەۋوۆ.
سوليستەر: قازاقستاننىڭ حالىق ءارتىسى، «قۇرمەت»جانە «پاراسات» وردەندەرىنىڭى كۆالەرى، پروفەسسور - گۇلجاميليا قادىربەكوۆا، حالىقارالىق بايقاۋلاردىڭ لاۋرەاتتارى - ەركەبۇلان ساپارباەۆ (سكريپكا), مايا سەپپ (فورتەپيانو), ەرمەك قۇرماناەۆ (ۆيولونچەل).
قر مەملەكەتتىك اكادەميالىق سيمفونيالىق وركەسترى 1958 جىلى فيلارمونيانىڭ قۇرامىنا ەنىپ، تىڭدارمان نازارىنا سيمفونيالىق مۋزىكانىڭ ەڭ ۇزدىك ۇلگىلەرىن ۇسىنا ءبىلدى. ونىڭ ۇيىمداستىرۋشىسى، باسشىسى جانە العاشقى ديريجەرى قازاق كسر-ءنىڭ، رەسەيدىڭ، تاتار اكسر-ءنىڭ حالىق ءارتىسى فۋات شاكىرۇلى مانسۋروۆ بولىپ، ونىڭ ەسىمى وسى ۇجىمنىڭ تاريحىنا التىن ارىپپەن جازىلدى. ۇزاق ۋاقىت ارالىعىندا ۇجىمدى بەلگىلى مۋزىكانتتار – ۆيكتور ياكوۆلەۆ، يليا وستروۆسكي، شامعون قاجىعاليەۆ، عازيز دۇعاشەۆ، تيمۋر مىڭباەۆ، رەنات سالاۋاتوۆ، تولەپبەرگەن ابدىراشەۆتەر باسقاردى.
