بولاشاقتىڭ باستاۋى - بەلسەندى جاستار

تۇركىستان وبلىسى قوعامدىق دامۋ باسقارماسى “جاستار رەسۋرستىق ورتالىعى” كمم-ءنىڭ ۇيىمداستىرۋىمەن “BASTAU TALKS” قوعامدىق لەكتسياسى اياسىندا “ميلليون” جايدارمان كومانداسىنىڭ مۇشەلەرى ەربولات زاركۋموۆ، مانسار ورىنحان جانە اقىن، قر جازۋشىلار وداعىنىڭ مۇشەسى داۋرەن تىلەۋحان ورداباسى اۋدانىنىڭ جاستارىمەن كەزدەستى. 📋كەزدەسۋ ماقساتى - جاستاردى شىعارماشىلىققا ىنتالاندىرىپ، وزدەرىنىڭ پوتەنتسيالىن دامىتۋعا كومەكتەسۋ. سونىمەن قاتار، ونەر مەن ادەبيەت سالاسىنداعى تاجىريبەلەرىن ءبولىسۋ جانە جاس بۋىننىڭ قوعامداعى ءرولى تۋرالى وي ءبولىسۋ. 🔹ەربولات زاركۋموۆ جاستارعا شىعارماشىلىقتىڭ ماڭىزدىلىعىن ايتىپ، كەز كەلگەن جۇمىستا تاباندىلىق پەن جاۋاپكەرشىلىك قاجەت ەكەنىن اتاپ ءوتتى. ول ءوزىنىڭ ومىرلىك تاجىريبەسىنەن مىسال كەلتىرىپ، جاستارعا قيىندىقتارعا توتەپ بەرۋدى جانە ارماندارىنا سەنىپ، سول جولدا ەڭبەك ەتۋ كەرەكتىگىن ءتۇسىندىردى. 🔹مانسار ورىنحان ءوز كەزەگىندە شىعارماشىلىق الەمىندەگى قاتەلىكتەر مەن ساتسىزدىكتەردىڭ ۋاقىتشا ەكەنىن جانە ولاردىڭ ارقاشان دامۋعا مۇمكىندىك بەرەتىنىن اتاپ ءوتتى. ول جاستاردى ءوز قاتەلىكتەرىنەن ساباق الۋعا جانە ءاردايىم جاڭاشىل بولۋعا شاقىردى. سونداي-اق، قوعامداعى وزگەرىستەر مەن جاس بۋىننىڭ ءرولى تۋرالى ءسوز قوزعادى. 🔹داۋرەن تىلەۋحان اقىن رەتىندە ادەبيەت پەن شىعارماشىلىقتىڭ كۇشىن ءسوز ەتتى. ول ادەبيەتكە دەگەن ماحابباتتىڭ ادامدى تەرەڭ ويعا باتىرىپ، ومىرگە جاڭا كوزقاراس قالىپتاستىرۋعا ىقپال ەتەتىنىن ايتتى. داۋرەن اعامىز جاستاردى وزدەرىن اشۋعا، شىعارماشىلىققا باعىتتالعان ىزدەنىستەرىن توقتاتپاۋعا جانە قوعامداعى ءوز ورنىن تابۋعا شاقىردى. 📑جيىندا تۇركىستان وبلىسى قوعامدىق دامۋ باسقارماسى “جاستار رەسۋرستىق ورتالىعى” كمم-ءنىڭ “باق پەن قوعاممەن بايلانىس” ءبولىمىنىڭ باسشىسى قايرات اقتورە مەيىرجانۇلى مودەراتورلىق ەتتى. 🔹“BASTAU TALKS” قوعامدىق لەكتسياسى – جاستار ءۇشىن ەرەكشە مۇمكىندىك. بۇل جوبا ءار ءتۇرلى سالادا جەتىستىككە جەتكەن كاسىبي مامانداردى، تالانتتى جاستاردى جانە بەلسەندى قوعام قايراتكەرلەرىن جيناپ، جاستاردىڭ ءبىلىم مەن تاجىريبە الماسۋىنا مۇمكىندىك جاساۋ. ولاردىڭ ومىرلىك تاجىريبەسى مەن جەتىستىككە جەتۋ جولىن جاستارعا ۇلگى ەتە وتىرىپ، موتيۆاتسيا بەرىپ، دامىتۋ، تىڭ اقپارات الۋعا باعىتتالعان.