تالدىقورعان NIS-تە ءداستۇرلى Samgau فورۋمى ءوتتى!

2695
Adyrna.kz Telegram

تالدىقورعان قالاسىناعى نازارباەۆ زياتكەرلىك مەكتەپ قابىرعاسىندا ءداستۇرلى تۇلەكتەر فورۋمى ءوتتى، ونىڭ باستى ماقساتى - كاسىبي باعدار بەرۋ بولىپ تابىلادى.

تۇلەكتەر مەن وقۋشىلار اراسىنداعى بىرەگەي ديالوگ الاڭىن Alumni NIS قاۋىمداستىعى باستادى.

«ارماندار جۇمىس ىستەمەيدى ءسىز جۇمىس ىستەمەگەنشە» ، — دەيدى 2016 جىلدىڭ تۇلەگى كريستينا ۋنگەر. ول نازارباەۆ ۋنيۆەرسيتەتىن جانە تاعى ءتورت ەۋروپالىق ۋنيۆەرسيتەتتى، سونىڭ ىشىندە درەزدەن تەحنيكالىق ۋنيۆەرسيتەتىن جانە دەلفت سۋ ءبىلىم بەرۋ ينستيتۋتىن ءبىتىردى. بۇگىنگى تاڭدا كريستينا تالدىقورعانداعى GERN.STUDY مەكتەبىنىڭ نەگىزىن قالاۋشى.

كريستينا ءوز سوزىندە Erasmus Mundus Joint Masters ستيپەندياسى، ەۋروپاداعى ءبىلىم بەرۋدىڭ مۇمكىندىكتەرى جانە ستۋدەنتتەردىڭ وسى مۇمكىندىكتەردى قالاي پايدالانا الاتىنى تۋرالى ايتتى.

قازاقستان بويىنشا «العاباس» برەندىمەن توعىز سپورت سەكتسياسىن 2022 جىلعى تۇلەك جومارت جەكسەنباي اشتى. بۇگىندە ونىڭ كاراتە جانە فۋتبول كلۋبتارى اتىراۋ، ورال، تۇركىستان جانە قوستاناي قالالارىندا بەلسەندى جۇمىس ىستەۋدە. بيىل ول سۋرەت ستۋديالارىن اشۋ ارقىلى جۇمىسىن كەڭەيتۋدى جوسپارلاپ وتىر. ءبىر قىزىعى، قبتۋ-دىڭ 3 كۋرس ستۋدەنتى بولا تۇرا، جومارت قازىردىڭ وزىندە قالىپتاسقان جاس كاسىپكەر.

2018 جىلعى تۇلەك جانە قازىرگى تاڭدا دارىگەر-ينتەرن ميراس راحىمجانوۆتىڭ تاريحى دا اسەرلى بولدى. ول اسفەندياروۆ اتىنداعى قازۇمۋ- دى بىتىرگەن. سامعاۋ فورۋمىندا ماماندىق تاڭداۋ جانە پاتسيەنتتەرمەن ءوزارا ارەكەتتەسۋدىڭ ماڭىزدىلىعى تۋرالى ءوز ويلارىمەن ءبولىستى.

دارىگەرلەر جەر بەتىندەگى ەڭ قىمبات – ادام ءومىرىن قورعايدى، - دەپ ول ءوز جۇمىسىنىڭ ماڭىزدىلىعىن اتاپ ءوتتى.

Alumni NIS قاۋىمداستىعىنىڭ بيىلعى ماڭىزدى جەتىستىكتەرىنىڭ ءبىرى اۋىلدىق جەرلەردەن كەلگەن ەكى وقۋشىعا گرانت بەرۋ بولدى. قاۋىمداستىق سونىمەن قاتار استانا مەن الماتى قالالارىندا ەكى قايىرىمدىلىق بال وتكىزدى جانە IT جانە اۆياتسيا سالاسىنداعى تابىستى تۇلەكتەرگە ارنالعان beles جوباسىن، سونداي-اق ماماندىق تاڭداۋدىڭ وزەكتى ماسەلەلەرىن تالقىلايتىن ayaldama پودكاستىن ىسكە قوستى.

Alumni NIS ەلشىسى جانە 2015 جىلعى تۇلەك الەن اقىلبەكوۆ قاتىسۋشىلاردى اعىمداعى جوبالار مەن باستامالارمەن ەگجەي-تەگجەيلى تانىستىرا الدى. ول Ayaldama, Beles جانە Samgau سياقتى باعدارلامالاردىڭ ماقساتتارى ءبىلىم بەرۋدى دامىتۋعا جانە ستۋدەنتتەردى قولداۋعا باعىتتالعانىن اتاپ ءوتتى.

 بىز مانساپتىق پەرسپەكتيۆالارعا نازار اۋدارۋدى جالعاستىرامىز، اسىرەسە قيىن مانساپ جولىندا، وتاننان تىس جەرلەردە جۇرگەندەرگە قولداۋ كورسەتەمىز، – دەپ قوستى الەن.

فورۋم ينتەراكتيۆتى ويىندار مەن سپورتتىق جارىستارمەن اياقتالدى.

 

 

 

پىكىرلەر