باستى بەت
جاڭالىقتار
مەملەكەتتىك كەڭەسشى بالالاردىڭ قاۋىپسىزدىگىن قامتاماسىز ەتۋ ماسەلەلەرىنە ارنالعان جيىن وتكىزدى

مەملەكەتتىك كەڭەسشى بالالاردىڭ قاۋىپسىزدىگىن قامتاماسىز ەتۋ ماسەلەلەرىنە ارنالعان جيىن وتكىزدى

05.02.2025

1135

https://adyrna.kz/content/uploads/2025/02/kto-2783_mediumthumb.jpg

اقوردادا مەملەكەتتىك كەڭەسشى ەرلان قاريننىڭ توراعالىعىمەن بالالاردىڭ قاۋىپسىزدىگىن قامتاماسىز ەتۋ، كامەلەتكە تولماعاندارعا قاتىستى قۇقىقبۇزۋشىلىقتاردىڭ الدىن الۋ ماسەلەلەرىنە ارنالعان جيىن ءوتتى.

باسقوسۋعا وقۋ-اعارتۋ ءمينيسترى،  سونداي-اق عىلىم جانە جوعارى ءبىلىم، دەنساۋلىق ساقتاۋ، تسيفرلىق دامۋ، يننوۆاتسيالار جانە اەروعارىش ونەركاسىبى، ىشكى ىستەر مينيسترلىكتەرىنىڭ، باس پروكۋراتۋرانىڭ، پرەزيدەنت اكىمشىلىگى قۇرىلىمدىق بولىمشەلەرىنىڭ وكىلدەرى، بالا قۇقىقتارى جونىندەگى ۋاكىل قاتىستى.

مەملەكەتتىك كەڭەسشى قازىرگى تاڭدا بالالاردى قورعاۋ ءۇشىن مەملەكەت تاراپىنان بىرقاتار پارمەندى شارا قابىلدانىپ جاتقانىنا نازار اۋداردى. اتاپ ايتقاندا، مەكتەپ پسيحولوگتارىنىڭ، الەۋمەتتىك پەداگوگتەردىڭ جانە پسيحولوگيالىق قولداۋ ورتالىقتارىنىڭ كادرلىق قۇرامى كۇشەيتىلدى.  «111» قىزمەتىنىڭ QR-كودى ازىرلەنىپ، بارلىق وقۋ ورىندارىنا ورنالاستىرىلۋدا. «كيبەرقاداعالاۋ» جۇيەسى ارقىلى ينتەرنەتتەگى زياندى كونتەنت جويىلىپ جاتىر.

ەرلان قارين بىلتىر مەملەكەت بىرنەشە جەدەل ءارى ستراتەگيالىق شارالار قابىلداعانىن، سونىڭ ناتيجەسىندە بالالار اراسىندا وزىنە-ءوزى قول جۇمساۋ وقيعالارى ايتارلىقتاي ازايعانىن اتاپ ءوتتى.

مەملەكەتتىك كەڭەسشى وسى باعىتتاعى جۇمىستاردى جالعاستىرىپ،  بالالاردىڭ قاۋىپسىزدىگىن قامتاماسىز ەتەتىن ءتيىستى شارالار قابىلداۋدى ۇيلەستىرۋ جونىندە تاپسىرما بەردى.

Facebook - پاراقشامىزعا جازىلىڭىز!