Basty bet
Jaŋalyqtar
Memlekettık keŋesşı balalardyŋ qauıpsızdıgın qamtamasyz etu mäselelerıne arnalǧan jiyn ötkızdı

Memlekettık keŋesşı balalardyŋ qauıpsızdıgın qamtamasyz etu mäselelerıne arnalǧan jiyn ötkızdı

05.02.2025

1139

https://adyrna.kz/content/uploads/2025/02/kto-2783_mediumthumb.jpg

Aqordada Memlekettık keŋesşı Erlan Qarinnıŋ töraǧalyǧymen balalardyŋ qauıpsızdıgın qamtamasyz etu, kämeletke tolmaǧandarǧa qatysty qūqyqbūzuşylyqtardyŋ aldyn alu mäselelerıne arnalǧan jiyn öttı.

Basqosuǧa Oqu-aǧartu ministrı,  sondai-aq Ǧylym jäne joǧary bılım, Densaulyq saqtau, Sifrlyq damu, innovasiialar jäne aeroǧaryş önerkäsıbı, Işkı ıster ministrlıkterınıŋ, Bas prokuraturanyŋ, Prezident Äkımşılıgı qūrylymdyq bölımşelerınıŋ ökılderı, Bala qūqyqtary jönındegı uäkıl qatysty.

Memlekettık keŋesşı qazırgı taŋda balalardy qorǧau üşın memleket tarapynan bırqatar pärmendı şara qabyldanyp jatqanyna nazar audardy. Atap aitqanda, mektep psihologtarynyŋ, äleumettık pedagogterdıŋ jäne psihologiialyq qoldau ortalyqtarynyŋ kadrlyq qūramy küşeitıldı.  «111» qyzmetınıŋ QR-kody äzırlenıp, barlyq oqu oryndaryna ornalastyryluda. «Kiberqadaǧalau» jüiesı arqyly internettegı ziiandy kontent joiylyp jatyr.

Erlan Qarin byltyr memleket bırneşe jedel ärı strategiialyq şaralar qabyldaǧanyn, sonyŋ nätijesınde balalar arasynda özıne-özı qol jūmsau oqiǧalary aitarlyqtai azaiǧanyn atap öttı.

Memlekettık keŋesşı osy baǧyttaǧy jūmystardy jalǧastyryp,  balalardyŋ qauıpsızdıgın qamtamasyz etetın tiıstı şaralar qabyldaudy üilestıru jönınde tapsyrma berdı.

Facebook - paraqşamyzǧa jazylyŋyz!