ءبىتىرۋشى كۋرسانتتار جاياۋ اسكەردىڭ جاۋىنگەرلىك ماشينالارى مەن تانكتەردە 100 شاقىرىمعا مارش جاسادى
قۇرلىق اسكەرلەرى اسكەري ينستيتۋتى ءبىتىرۋشى كۋرسىنىڭ كۋرسانتتارى وزدەرىنىڭ ماماندىقتارى بويىنشا دالالىق پراكتيكالىق ساباقتاردان ءوتتى.
بولاشاق وفيتسەرلەر ءىس جۇزىندە العان تەوريالىق بىلىمدەرىن پىسىقتاپ، اسكەري تەحنيكانى باسقارا الۋ شەبەرلىكتەرىن پاش ەتتى جانە سۋ بوگەتتەرىن ۇرىس ماشيناسىمەن ەڭسەرۋدىڭ بارلىق مۇمكىندىكتەرىن زەردەلەدى.
قۇراما ەكيپاجدار قۇرامىندا ولار جاياۋ اسكەردىڭ جاۋىنگەرلىك ماشينالارى مەن ت-72 تانكتەرىندە 100 شاقىرىمدىق مارش جاسادى. ارنايى ول ءۇشىن اسكەري ينستيتۋتتىڭ وقۋ-جاتتىعۋ ورتالىعىندا كورسەتىلىمدى ساباق ۇيىمداستىرىلدى.
جاۋىنگەرلىك تەحنيكاداعى مارش - بۇل جولدار مەن لەكتى جولدار ارقىلى ۆزۆودتىڭ نەمەسە روتانىڭ لەگى قۇرامىنداعى جاي عانا ءجۇرىس ەمەس. ەڭ الدىمەن، مارشتى جوسپارلاۋ جانە ۇيىمداستىرۋ بويىنشا بارلىق دارەجەدەگى كومانديرلەردىڭ جۇمىسى.
كۋرسانتتار جاۋىنگەرلىك ماشينالاردى جۇرگىزۋ، كۇردەلى جاعدايدا مانەۆرلەۋ، ءارتۇرلى كەدەرگىلەردى ەڭسەرۋدە تاباندىلىق پەن باتىلدىقتى پاش ەتتى.
«مارشتى ۇيىمداستىرۋ مەن وتكىزۋدى زەردەلەۋ كەزەڭ-كەزەڭمەن وتەدى. ءبىرىنشى كۋرستا كۋرسانتتار بولىمشە كومانديرىنىڭ جۇمىسى كولەمىندە، ەكىنشى جانە ءۇشىنشى كەزەڭدە ۆزۆود جانە روتا كومانديرى كولەمىندە قاجەتتى ماسەلەلەردى زەردەلەيدى. بولاشاق وفيتسەرلەرمەن 100 شاقىرىمدىق مارش وقىتۋدىڭ سوڭعى ءتورتىنشى كۋرسىندا باتالون كومانديرى اۋقىمىندا وتكىزىلەدى»، - دەدى قۇرلىق اسكەرلەرى اسكەري ينستيتۋتى وقۋ ءبولىمىنىڭ باستىعى پودپولكوۆنيك جانىبەك سارعازين.
پراكتيكالىق ساباقتار وقىپ-ۇيرەنۋشىلەردىڭ تاكتيكالىق، اتىس جانە ادىستەمەلىك ماشىعىن ارتتىرۋعا ىقپال ەتەتىنىن، ۇرىستى ۇيىمداستىرۋ مەن جۇرگىزۋدەگى قابىلەتتەرىن جەتىلدىرەتىنىن ايتا كەتكەن ءجون. كۋرسانتتار اسكەرلەرگە قىزمەت ەتۋگە جوعارى دەڭگەيدەگى كاسىبي دايىندىقپەن، وفيتسەرلەر ءۇشىن قاجەتتى ءبىلىم جانە داعدىمەن اتتانادى.
قۇرلىق اسكەرلەرىنىڭ اسكەري ينستيتۋتىنىڭ ءباسپاسوز قىزمەتى
