پوليتسيا مەن ماي قىزمەتكەرلەرىنىڭ ۇرەيىن الاتىن رۋسلان جانپەيىسوۆ تۇتقىندالدى. رۋسلاننىڭ پوليتسيا بولىمشەسىنىڭ ىشىندە كىسەندەۋلى كۇيىندە قۇقىق قورعاۋ قىزمەتكەرىنىڭ قاسىندا كەتىپ بارا جاتقان ۆيدەوسى الەۋمەتتىك جەلىگە تاراپ كەتتى. ماسەلەنىڭ انىق-قانىعىن ءبىلۋ ءۇشىن شىمكەنت قالالىق پوليتسيا باسقارماسىنىڭ ءباسپاسوز قىزمەتىمەن بايلانىسۋ مۇمكىن بولماي وتىر.
رۋسلان جانپەيىسوۆكە قانداي ايىپ تاعىلعانى بەلگىسىز. بەيرەسمي اقپارات كوزدەرى رۋسلانعا 2-3 باپ بويىنشا قىلمىستىق ءىس قوزعالعان دەيدى. بيلىك وكىلىنە ءتىل تيگىزۋ، ورتا دارەجەدەگى دەنە جاراقاتىن سالۋ دەگەن سەكىلدى باپتار بويىنشا ءىس قوزعالۋى مۇمكىن دەيدى.
ونىڭ ۇستالعانى تۋرالى ازىرگە رەسمي اقپارات جوق. الداعى ۋاقىتتا تولىق اقپارات بەرەتىن بولامىز.
ەستەرىڭىزگە سالا كەتەيىك، وسىدان ەكى جىل بۇرىن، 2017 جىلدىڭ ناۋرىزىندا پوليتسيامەن كۇرەسۋشى رەتىندە تانىمال رۋسلان جانپەيىسوۆ سوت زالىنان بوساتىلعاننان كەيىن ۆيدەو-حابارلاما جولداعان بولاتىن. بۇرىن پارا الدى دەپ ايىپتالعان رۋسلان تەرگەۋ يزولياتورىندا بولعان كەزدە ءوزىن قولداعان بارلىق ادامدارعا راحمەت ايتقان. جانپەيىسوۆ ءوز قولداۋشىلارىنان دەمالۋعا از ۋاقىت سۇراپ، سوسىن قايتادان ادىلەتتىلىك ءۇشىن كۇرەسىن جالعاستىرۋعا ۋادە بەرگەن بولاتىن.
رۋسلان جانپەيىسوۆ يۋتۋب ارناسى ارقىلى پوليتسيا قىزمەتكەرلەرىنىڭ زاڭسىزدىعىمەن كۇرەسۋشى رەتىندە كوپكە تانىمال.
