مەملەكەت باسشىسى قاسىم-جومارت توقاەۆ پرەمەر-مينيستر ولجاس بەكتەنوۆتى قابىلداپ، ەلىمىزدىڭ الەۋمەتتىك-ەكونوميكالىق دامۋى جانە ۇكىمەت قىزمەتىنىڭ تيىمدىلىگىن ارتتىرۋ شارالارى جونىندە ەسەپ الدى، دەپ حابارلايدى "ادىرنا" ۇلتتىق پورتالى اقورداعا سىلتەمە جاساپ.
كەزدەسۋ بارىسىندا ەكونوميكانى ءارتاراپتاندىرۋ، ناقتى سەكتورداعى ءىرى باعدارلامالاردى قولداۋ، ينفراقۇرىلىمدى جاڭعىرتۋ ماسەلەلەرى قارالدى.
پرەزيدەنت بۇعان دەيىن وسى باعىتتا بەرگەن تاپسىرمالارىنىڭ ورىندالۋ بارىسىمەن تانىستى.
پرەمەر-مينيستر جىلىتۋ ماۋسىمىنىڭ ءوتۋ بارىسى، كوكتەمگى ەگىس جۇمىستارىنا دايىندىق، سونداي-اق سۋ تاسقىنىنا قارسى الدىن الۋ شارالارى تۋرالى باياندادى.
قاسىم-جومارت توقاەۆقا جەكە ينۆەستيتسيالاردى تارتۋ جانە بيزنەستى دامىتۋ ماقساتىندا باسقارۋدىڭ زاماناۋي تسيفرلىق تاسىلدەرىن ەنگىزۋ بويىنشا ۇكىمەت جۇرگىزىپ جاتقان جۇمىستار تۋرالى اقپارات بەرىلدى.
كەزدەسۋ سوڭىندا مەملەكەت باسشىسى ەكونوميكانىڭ تۇراقتى ءوسىمىن قامتاماسىز ەتۋ جانە ءارتاراپتاندىرۋ جۇمىستارىن جانداندىرۋ جونىندە تاپسىرما بەردى. سونداي-اق ينفراقۇرىلىمدى دامىتۋ، ەنەرگەتيكا مەن كوممۋنالدىق شارۋاشىلىقتى جاڭعىرتۋ باعىتىندا جۇيەلى شارالار قابىلداۋدىڭ ماڭىزىن اتاپ ءوتتى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز