جاپونيادا 1400 گەكتار اۋماقتى شارپىعان ورمان ءورتى بوللى، دەپ حاارلايدى “ادىرنا” ۇلتتىق پورتالى 24KZ-كە سىلتەمە جاساپ.
ءتىلسىز جاۋ يۆاتە پرەفەكتۋراسىنداعى وفۋناتو قالاسىنا ۇلكەن زيان كەلتىردى. ءورت سالدارىنان 100-گە جۋىق ءۇي جانىپ كەتتى، مەكتەپتەر مەن بالاباقشالار جابىلدى، پويىز قوزعالىسى توقتاتىلدى. 500-گە جۋىق وتباسى جارىقسىز قالدى.
جەرگىلىكتى بيلىك 4,5 مىڭ تۇرعىندى قاۋىپسىز ايماقتارعا ەۆاكۋاتسيالادى. ءورتتى ءسوندىرۋ جانە ونىڭ سالدارىن جويۋ ءۇشىن پرەمەر-مينيستر كەڭسەسىندە ۇيلەستىرۋ شتابى قۇرىلدى.
سوڭعى ءبىر اپتادا بۇل – وفۋناتو قالاسىندا بولعان ءۇشىنشى ءورت. بيلىكتىڭ مالىمەتىنشە، ءورتتىڭ ءجيى شىعۋىنا جاۋىن-شاشىننىڭ ازدىعى مەن قاتتى جەل سەبەپ بولىپ وتىر.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز