الماتى اۋەجايىنداعى قارۋلى شابۋىلدان كەيىن ەلىمىزدە اۋەجايلار مەن ۆوكزالداردى تەكسەرۋ باستالدى، دەپ حابارلايدى "ادىرنا" ۇلتتىق پورتالى ىشكى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.
«ىشكى ىستەر ءمينيسترى ەرجان سادەنوۆتىڭ تاپسىرماسى بويىنشا ەلدەگى اۋەجايلار مەن ۆوكزالداردىڭ قاۋىپسىزدىك جۇيەسىنە كەشەندى تەكسەرۋ جۇرگىزىلۋدە. ەرەكشە نازار كەلەسى باعىتتارعا اۋدارىلادى: ءالسىز تۇستاردى انىقتاۋ، ىقتيمال قاۋىپتەردىڭ الدىن الۋ شارالارىن جەتىلدىرۋ، تىيىم سالىنعان زاتتاردى الىپ كىرۋدى باقىلاۋدى كۇشەيتۋ، توتەنشە جاعدايلارعا جاۋاپ بەرۋ الگوريتمدەرىن جەتىلدىرۋ، كۇزەت قىزمەتكەرلەرىنىڭ بىلىكتىلىگىن ارتتىرۋ، قۇقىق قورعاۋ ورگاندارىمەن ءوزارا ارەكەتتەستىكتى نىعايتۋ»، – دەلىنگەن جەكسەنبى كۇنى جاريالانعان حابارلامادا.
ءىىم جاعدايدىڭ تولىق باقىلاۋدا ەكەنىن مالىمدەدى.
«بۇدان ءارى وسىنداي وقيعالاردىڭ الدىن الۋ ءۇشىن بارلىق قاجەتتى شارالار قابىلدانۋدا»، – دەپ اتاپ ءوتتى مينيسترلىك.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز