قازاقستاننىڭ بىرنەشە وڭىرىندە اۋا رايىنا بايلانىستى تاسجولدار جابىلىپ، كولىك قوزعالىسى شەكتەلدى. بۇل تۋرالى «قازاۆتوجول» ايتتى، دەپ حابارلايدى «ادىرنا» ءتىلشىسى.
ساعات 08:00-دەگى جاعداي بويىنشا 7 وبلىستاعى 15 رەسپۋبليكالىق ماڭىزى بار جولدا كولىك قوزعالىسىنا شەكتەۋ قويىلدى.
اۋا رايىنىڭ ناشارلاۋىنا بايلانىستى كولىكتىڭ بارلىق تۇرىنە كەلەسى رەسپۋبليكالىق اۆتوجول ۋچاسكەلەرىندە شەكتەۋ قويىلدى:
اباي وبلىسى:«تاسكەسكەن – باقتى – قحر شەكاراسى» اۆتوجولىنىڭ ءۇرجار اۋىلىنان قحر شەكاراسىنا دەيىنگى ارالىعى;
اقمولا وبلىسى:
«قوستاناي - اۋليەكول –سۇرعان» اۆتوجولىنىڭ قوستاناي وبلىسىنىڭ شەكاراسىنان سۇرعان اۋىلىنا دەيىنگى ارالىعى;
«جاقسى - ەسىل – بۇزىلىق» اۆتوجولىنىڭ جاقسى اۋىلىنان بۇزىلىق اۋىلىنا دەيىنگى ارالىعى;
«جەزقازعان-ارقالىق-پەتروپاۆل» اۆتوجولىنىڭ قوستاناي وبلىسى شەكاراسىنان سولتۇستىك قازاقستان وبلىسى شەكاراسىنا دەيىنگى ارالىعى;
«استانا - اتباسار - جاقسى - رۋزاەۆكا - سارىكول - قوستاناي - رف شەكاراسى» اۆتوجولىنىڭ سولتۇستىك قازاقستان وبلىسى شەكاراسىنان - اتباسار قالاسىنان دەيىنگى ارالىعى;
«كوكشەتاۋ – اتباسار» اۆتوجولىنىڭ اتباسار قالاسىنان ماكسيموۆكا اۋىلىنا دەيىنگى ارالىعى;
«استانا - اتباسار - جاقسى - قوستاناي - رف شەكاراسى» اۆتوجولىنىڭ اتباسار قالاسىنان استراحانكا اۋىلىنا دەيىنگى ارالىعى;
الماتى وبلىسى:
«الماتاۋ تۋربازاسىنا كىرەبەرىس» اۆتوجولىنىڭ تۇزدىباستاۋ اۋىلىنان بەسقاينار اۋىلىنا دەيىنگى ارالىعى;
شىعىس قازاقستان وبلىسى:
«وسكەمەن – التاي – ۇلكەن نارىن – كاتونقاراعاي – راحمان قاينارى» اۆتوجولىنىڭ ۋشانوۆو اۋىلىنان التاي قالاسىنا دەيىنگى ارالىعى;
قوستاناي وبلىسى:
«جەزقازعان-ارقالىق-پەتروپاۆل» اۆتوجولىنىڭ ۇلىتاۋ وبلىسى شەكاراسىنان ارقالىق قالاسىنا دەيىنگى ارالىعى;
«قوستاناي - اۋليەكول –سۇرعان» اۆتوجولىنىڭ اۋليەكول اۋىلى اقمولا وبلىسىنىڭ شەكاراسىنا دەيىنگى ارالىعى;
«جەزقازعان-ارقالىق-پەتروپاۆل» اۆتوجولىنىڭ 339-377 شاقىرىم ارالىعى (ارقالىق قالاسىنان اقمولا وبلىسى شەكاراسىنا دەيىن);
سولتۇستىك قازاقستان وبلىسى:
«جەزقازعان-ارقالىق-پەتروپاۆل» اۆتوجولىنىڭ اقمولا وبلىسى شەكاراسىنان توقسان بي اۋىلىنا دەيىنگى ارالىعى;
«استانا-اتباسار-جاقسى-رۋزاەۆكا-سارىكول-قوستاناي-رف شەكاراسى» اۆتوجولىنىڭ رۋزاەۆكا اۋىلىنان اقمولا وبلىسى شەكاراسىنا دەيىنگى ارالىعى;
ۇلىتاۋ وبلىسى:
«جەزقازعان-ارقالىق-پەتروپاۆل» اۆتوجولىنىڭ ۇلىتاۋ اۋىلىنان قوستاناي وبلىسىنىڭ شەكاراسىنا دەيىنگى ارالىعى.
قازىرگى تاڭدا رەسپۋبليكالىق جولداردى كۇتىپ-ۇستاۋعا 310 ارنايى تەحنيكا مەن 421 مامان جۇمىلدىرىلدى.
