اقتوبەدە پوليتسيا قىزمەتكەرى قىزمەتتىك قارۋدان تانىسىنا وق اتقان، دەپ حابارلايدى "ادىرنا" ۇلتتىق پورتالى.
وقيعا 25 ناۋرىزعا قاراعان ءتۇنى بولعان. جاراقات العان ازامات اۋرۋحاناعا جەتكىزىلگەن.
اقتوبە وبلىستىق پوليتسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، قۇقىق قورعاۋ ورگاندارىنىڭ قىزمەتكەرى قاۋىپسىزدىك ەرەجەلەرىن بۇزىپ، ابايسىزدا وق اتقان.
"ناتيجەسىندە ونىڭ تانىسى جاراقات الدى. بۇل فاكتى بويىنشا قر قك 371-بابى 'سالاقتىق' بويىنشا سوتقا دەيىنگى تەرگەۋ باستالدى. وقيعانىڭ بارلىق ءمان-جايى انىقتالۋدا", – دەپ حابارلادى ۆەدومستۆو.
پوليتسيا وكىلدەرى قىزمەتكەردىڭ قىزمەتتىك مىندەتتەرىن ورىنداۋدان شەتتەتىلگەنىن اتاپ ءوتتى. تەرگەۋ بارىسى وبلىستىق پوليتسيا دەپارتامەنتىنىڭ باقىلاۋىندا.
قالالىق دەنساۋلىق ساقتاۋ باسقارماسىنىڭ مالىمەتىنشە، زارداپ شەككەن ازاماتتىڭ جاعدايى تۇراقتى، ول اۋرۋحانادا ەم قابىلداۋدا.
"ناۋقاس 25 ناۋرىز كۇنى وق جاراقاتىمەن ءتۇستى. وعان العاشقى حيرۋرگيالىق وڭدەۋ جۇرگىزىلدى", – دەپ حابارلادى باسقارما.
