Aqtöbede polisiia qyzmetkerı qyzmettık qarudan tanysyna oq atqan, dep habarlaidy "Adyrna" ūlttyq portaly.
Oqiǧa 25 nauryzǧa qaraǧan tünı bolǧan. Jaraqat alǧan azamat auruhanaǧa jetkızılgen.
Aqtöbe oblystyq polisiia departamentınıŋ baspasöz qyzmetınıŋ mälımetınşe, qūqyq qorǧau organdarynyŋ qyzmetkerı qauıpsızdık erejelerın būzyp, abaisyzda oq atqan.
"Nätijesınde onyŋ tanysy jaraqat aldy. Būl faktı boiynşa QR QK 371-baby 'Salaqtyq' boiynşa sotqa deiıngı tergeu bastaldy. Oqiǧanyŋ barlyq män-jaiy anyqtaluda", – dep habarlady vedomstvo.
Polisiia ökılderı qyzmetkerdıŋ qyzmettık mındetterın oryndaudan şettetılgenın atap öttı. Tergeu barysy oblystyq polisiia departamentınıŋ baqylauynda.
Qalalyq densaulyq saqtau basqarmasynyŋ mälımetınşe, zardap şekken azamattyŋ jaǧdaiy tūraqty, ol auruhanada em qabyldauda.
"Nauqas 25 nauryz künı oq jaraqatymen tüstı. Oǧan alǧaşqy hirurgiialyq öŋdeu jürgızıldı", – dep habarlady basqarma.
