Qazaqstandaǧy jedel järdem qyzmetkerlerı densaulyq saqtau ministrı Aqmaral Älnazarovaǧa jaŋa petisiia joldap, öz talaptaryn jariialady, dep habarlaidy "Adyrna" ūlttyq portaly.
Qyzmetkerler qazırgı jūmys jaǧdailarynyŋ kürdelı ekenın, käsıbi qauıp-qaterdıŋ joǧary ekenın, sondai-aq memleket tarapynan tolyq qoldau körsetılmeitının atap öttı. Olar jalaqynyŋ tömendıgı men infliasiianyŋ ösuı saldarynan onyŋ satyp alu qabıletınıŋ azaiǧanyna şaǧymdanuda. Sonymen qatar, är kündelıktı jūmys köptegen qiyndyqtarmen bailanysty ekenın aitqan.
Jedel järdem qyzmetkerlerınıŋ negızgı talaptary:
-
Jalaqyny köteru jäne äleumettık qoldaudy küşeitu – qyzmetkerler jalaqyny, syiaqylar men yntalandyru tölemderın arttyrudy, sondai-aq tūrǧyn üi satyp alu üşın jeŋıldıkterdı keŋeitudı sūraidy. Olar qazırgı jalaqyny qyzmettıŋ auyr jüktemesı men käsıbi qauıp-qaterımen säikes kelmeitının atap körsetedı.
-
Jedel järdem qyzmetın Tötenşe jaǧdailar jüiesıne engızu – qyzmetkerler fakticheski qūtqaru qyzmetınıŋ funksiialaryn oryndaitynyn, bıraq zaŋ jüzınde būl märtebenıŋ bekıtılmegenın alǧa tartady. Olar resmi märtebenı moiyndaudy, aralas vedomstvolyq hattamalardy bekıtu men äleumettık qorǧau şaralaryn qamtamasyz etudı talap etedı.
-
Zeinet jasyn tömendetu – qyzmetkerlerdıŋ 45 jasqa deiın käsıbi küizelıs pen densaulyq mäselelerıne ūşyraitynyn eskere otyryp, olardyŋ jūmysyn auyr jäne qauıptı dep tanudy jäne zeinet jasyn tömendetudı sūraidy.
-
Kadrlyq qūramdy retteu – keibır aimaqtarda feldşerler jetkılıksız bolǧandyqtan, olar jalǧyz jūmys ısteuge mäjbür bolyp, tolyq demalyssyz 24 saǧattyq auysymǧa şyǧady. Qyzmetkerler brigadalardyŋ sanyn arttyrudy jäne kadrlyq qūrylymdy tūraqtandyrudy talap etedı.
Petisiiaǧa qarau üşın ony kemınde 50 myŋ adam qoldauy qajet, al qazırgı taŋda qol qoiǧandar sany 100 adamnan az.
Sonymen qatar, jaqynda tüngı uaqytta jedel järdem şaqyru tarifın 340 teŋgeden 360 teŋgege deiın köteru josparlanyp otyr. Būl tariftıŋ köterıluı qyzmetkerlerdıŋ jalaqysyna qosymşa äser etuı mümkın dep habarlandy.
Jedel järdem qyzmetkerlerı petisiia arqyly memleketten naqty ıs-äreket kütetının jäne öz jūmysynyŋ auyrlyǧy men qauıptılıgın eskeruın sūrap otyr.
