قازاقستانداعى جەدەل جاردەم قىزمەتكەرلەرى دەنساۋلىق ساقتاۋ ءمينيسترى اقمارال النازاروۆاعا جاڭا پەتيتسيا جولداپ، ءوز تالاپتارىن جاريالادى، دەپ حابارلايدى "ادىرنا" ۇلتتىق پورتالى.
قىزمەتكەرلەر قازىرگى جۇمىس جاعدايلارىنىڭ كۇردەلى ەكەنىن، كاسىبي قاۋىپ-قاتەردىڭ جوعارى ەكەنىن، سونداي-اق مەملەكەت تاراپىنان تولىق قولداۋ كورسەتىلمەيتىنىن اتاپ ءوتتى. ولار جالاقىنىڭ تومەندىگى مەن ينفلياتسيانىڭ ءوسۋى سالدارىنان ونىڭ ساتىپ الۋ قابىلەتىنىڭ ازايعانىنا شاعىمدانۋدا. سونىمەن قاتار، ءار كۇندەلىكتى جۇمىس كوپتەگەن قيىندىقتارمەن بايلانىستى ەكەنىن ايتقان.
جەدەل جاردەم قىزمەتكەرلەرىنىڭ نەگىزگى تالاپتارى:
-
جالاقىنى كوتەرۋ جانە الەۋمەتتىك قولداۋدى كۇشەيتۋ – قىزمەتكەرلەر جالاقىنى، سىياقىلار مەن ىنتالاندىرۋ تولەمدەرىن ارتتىرۋدى، سونداي-اق تۇرعىن ءۇي ساتىپ الۋ ءۇشىن جەڭىلدىكتەردى كەڭەيتۋدى سۇرايدى. ولار قازىرگى جالاقىنى قىزمەتتىڭ اۋىر جۇكتەمەسى مەن كاسىبي قاۋىپ-قاتەرىمەن سايكەس كەلمەيتىنىن اتاپ كورسەتەدى.
-
جەدەل جاردەم قىزمەتىن توتەنشە جاعدايلار جۇيەسىنە ەنگىزۋ – قىزمەتكەرلەر فاكتيچەسكي قۇتقارۋ قىزمەتىنىڭ فۋنكتسيالارىن ورىندايتىنىن، بىراق زاڭ جۇزىندە بۇل مارتەبەنىڭ بەكىتىلمەگەنىن العا تارتادى. ولار رەسمي مارتەبەنى مويىنداۋدى، ارالاس ۆەدومستۆولىق حاتتامالاردى بەكىتۋ مەن الەۋمەتتىك قورعاۋ شارالارىن قامتاماسىز ەتۋدى تالاپ ەتەدى.
-
زەينەت جاسىن تومەندەتۋ – قىزمەتكەرلەردىڭ 45 جاسقا دەيىن كاسىبي كۇيزەلىس پەن دەنساۋلىق ماسەلەلەرىنە ۇشىرايتىنىن ەسكەرە وتىرىپ، ولاردىڭ جۇمىسىن اۋىر جانە قاۋىپتى دەپ تانۋدى جانە زەينەت جاسىن تومەندەتۋدى سۇرايدى.
-
كادرلىق قۇرامدى رەتتەۋ – كەيبىر ايماقتاردا فەلدشەرلەر جەتكىلىكسىز بولعاندىقتان، ولار جالعىز جۇمىس ىستەۋگە ءماجبۇر بولىپ، تولىق دەمالىسسىز 24 ساعاتتىق اۋىسىمعا شىعادى. قىزمەتكەرلەر بريگادالاردىڭ سانىن ارتتىرۋدى جانە كادرلىق قۇرىلىمدى تۇراقتاندىرۋدى تالاپ ەتەدى.
پەتيتسياعا قاراۋ ءۇشىن ونى كەمىندە 50 مىڭ ادام قولداۋى قاجەت، ال قازىرگى تاڭدا قول قويعاندار سانى 100 ادامنان از.
سونىمەن قاتار، جاقىندا تۇنگى ۋاقىتتا جەدەل جاردەم شاقىرۋ ءتاريفىن 340 تەڭگەدەن 360 تەڭگەگە دەيىن كوتەرۋ جوسپارلانىپ وتىر. بۇل ءتاريفتىڭ كوتەرىلۋى قىزمەتكەرلەردىڭ جالاقىسىنا قوسىمشا اسەر ەتۋى مۇمكىن دەپ حابارلاندى.
جەدەل جاردەم قىزمەتكەرلەرى پەتيتسيا ارقىلى مەملەكەتتەن ناقتى ءىس-ارەكەت كۇتەتىنىن جانە ءوز جۇمىسىنىڭ اۋىرلىعى مەن قاۋىپتىلىگىن ەسكەرۋىن سۇراپ وتىر.
