نورۆەگيادان ۇشىرىلعان نەمىس زىمىرانى اپاتقا ۇشىرادى (ۆيدەو)

1069
Adyrna.kz Telegram
https://adyrna.kz/content/uploads/2025/03/img_7876-960x500.jpeg?token=aa91bd7de973ea5f54a9291fe060cd7e

نورۆەگيانىڭ اننەيا عارىش ايلاعىنان ۇشىرىلعان نەمىستىڭ Spectrum زىمىرانى اۋەگە كوتەرىلگەننەن كەيىن كوپ ۇزاماي قۇلاپ، جارىلىپ كەتتى. وقىس وقيعا 30 ناۋرىزدا بولدى، دەپ حابارلايدى «ادىرنا» ءتىلشىسى سينحۋا اگەنتتىگىنە سىلتەمە جاساپ.

گەرمانيانىڭ Isar Aerospace كومپانياسى جاساپ شىعارعان زىمىران ۇشىپ كوتەرىلگەننەن كەيىن شامامەن 20 سەكۋندتان سوڭ تراەكتورياسىنان اۋىتقىپ كەتكەن. ۇزىندىعى 30 مەترگە جۋىق، ال سالماعى 50 توننالىق زىمىران اننەيا ارالىنداعى نوردمەلدەگى ۇشىرۋ الاڭىنىڭ جانىندا قۇلاعان.

ازىرگە زارداپ شەككەندەر تۋرالى مالىمەت تۇسپەگەن. قازىرگى تاڭدا وقيعانىڭ سەبەبى انىقتالىپ جاتىر.

ايتا كەتەيىك، بۇل جوبانىڭ قۇنى 400 ميلليون ەۋرونى قۇرادى. ونى ءىشىنارا گەرمانيا ۇكىمەتى مەن ەۋروپا وداعى قارجىلاندىردى.

https://youtu.be/7vVgTWX6SjU?si=Ip4C8PDnsA8iUrIZ
پىكىرلەر