30 قىركۇيەك پەن 1 قازان ارالىعىندا ەرەۆان قالاسىندا (ارمەنيا رەسپۋبليكاسى) جوعارى ەۋرازيالىق ەكونوميكالىق وداق وتىرىسى شەڭبەرىندە "ەۋرازيالىق كونتينەنتتىڭ ترانزيتتىك الەۋەتى" حالىقارالىق فورۋمى وتكىزىلەدى.
يندۋستريا جانە ينفراقۇرىلىمدىق دامۋ مينيسترلىگىنەن ۆيتسە-مينيستر ب.كاماليەۆ "ترانسكونتينەنتالدىق كولىك بايلانىستارىن دامىتۋ كونتەكستىندەگى ۇلكەن ەۋرازيا" پانەلدىك سەسسياسىنا سپيكەر رەتىندە قاتىستى.
اتالعان پانەلدىك سەسسيا شەڭبەرىندە ارمەنيا، بەلورۋسسيا، قازاقستان، قىرعىزستان، رەسەي كولىك سالاسىنداعى مينيسترلىكتەر مەن ۆەدومستۆولاردىڭ وكىلدەرى، سونداي-اق ەۋرازيالىق ەكونوميكالىق كوميسسيا مەن ەۋرازيالىق دامۋ بانكىنىڭ وكىلدەرى جىبەك جولىن جاڭعىرتۋ ماسەلەلەرىن جانە وسىعان بايلانىستى ۇلتتىق كولىك كەشەندەرى ءۇشىن پەرسپەكتيۆالاردى، ترانزيتتىك الەۋەتتى دامىتۋداعى ەاەو كولىك ساياساتىنىڭ ءرولىن، ەكونوميكالىق ءوسۋ فاكتورى رەتىندە كولىك دالىزدەرىن دامىتۋدى، ەاەو بىرىڭعاي ترانزيتتىك جۇيەسىن قالىپتاستىرۋدى، كولىك جانە كوممۋنيكاتسيا بويىنشا ترانزيتتىك ينفراقۇرىلىم سالاسىنداعى حالىقارالىق قارجى ينستيتۋتتارىنىڭ ءرولىن تالقىلادى.
قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ۆيتسە-ءمينيسترى ب. كاماليەۆ قازاقستاندا كولىك ينفراقۇرىلىمىن دامىتۋ بويىنشا جۇرگىزىلىپ جاتقان جۇمىستار، 2020-2025 جىلدارعا ارنالعان "نۇرلى جول" ينفراقۇرىلىمدى دامىتۋدىڭ جاڭا مەملەكەتتىك باعدارلاماسى شەڭبەرىندە الداعى جوسپارلار تۋرالى ايتتى، سونداي-اق ەاەو ەلدەرى شەڭبەرىندە بىرلەسىپ پىسىقتاۋ ءۇشىن بىرقاتار ماسەلەلەردى ۇسىندى: ترانزيتتىك دالىزدەردى ينفراقۇرىلىمدىق قامتاماسىز ەتۋ دەڭگەيىن تەڭەستىرۋ، قۇجات اينالىمىن بارىنشا تسيفرلاۋ، اۆتوموبيل كولىگىمەن جۇكتەردى تاسىمالداۋعا ەلەكتروندىق رۇقسات بلانكىلەرىن ەنگىزۋ، ديسپەتچەرلەۋ جۇيەسىن جاقسارتۋدى جانە يكەمدى باسەكەگە قابىلەتتى تاريفتىك ساياساتتى جۇرگىزۋدى جالعاستىرۋ، سونداي-اق، ترانسشەكارالىق ساۋدا جانە تاسىمالداۋ كەزىندە قۇجات اينالىمىن جەدەلدەتۋ جانە ءوزارا ەسەپ ايىرىسۋ ءۇشىن نۇر-سۇلتان ق. احقو بازاسىندا ەسەپ ايىرىسۋ-پروتسەسسينگتىك ورتالىقتى ۇيىمداستىرۋ مۇمكىندىگىن قاراستىرۋ.
سونداي-اق جوعارىدا كورسەتىلگەن فورۋم شەڭبەرىندە ەۋرازيالىق ەكونوميكالىق وداققا مۇشە مەملەكەتتەردىڭ ۋاكىلەتتى ورگاندارى باسشىلارى كەڭەسىنىڭ 2-ءشى وتىرىسى ءوتتى.
كۇن تارتىبىندە ەەو مۇشە مەملەكەتتەردىڭ كولىك ساياساتىن جۇزەگە اسىرۋ بويىنشا ءىس-شارالار جوسپارىن (جول كارتالارىن) ورىنداۋ بارىسى تۋرالى، 2021-2023 جىلدارعا ارنالعان جول كارتاسى جوباسىنا ەنگىزۋ ءۇشىن كولىك سالاسىن دامىتۋ باعىتتارى بويىنشا ۇسىنىستار تۋرالى، كابوتاجدىق اۆتوموبيل تاسىمالدارى باعدارلاماسىن جۇزەگە اسىرۋ تۋرالى، ەۋرازيالىق ەكونوميكالىق ينتەگراتسيانى دامىتۋدىڭ 2025 جىلعا دەيىنگى ستراتەگيالىق باعىتتارى جوباسىنا ەنگىزۋ ءۇشىن ۇسىنىستار تۋرالى ماسەلەلەر تالقىلاندى.
قر يدم كولىك كوميتەتىنىڭ ءباسپاسوز قىزمەتى
