اقتاۋدا «اقتاۋ — تۇركى الەمىنىڭ مادەني استاناسى» دەگەن اتاۋمەن وتكەن اۋقىمدى مەرەكەلىك شارا كەزىندە ونداعان ادامعا جەدەل جاردەم قاجەت بولعان. بۇل تۋرالى lada.kz جازدى، دەپ حابارلايدى «ادىرنا» ءتىلشىسى.
«ەسىنەن تانۋ كوپ بولدى، ءبىر ادام پىشاق جاراقاتىمەن جۇگىندى، ءبىر ينسۋلت جانە ءبىر جۇرەك ءريتمىنىڭ بۇزىلۋى جاعدايى تىركەلدى. ءبىزدىڭ قىزمەتكەرلەر الدىن الا دياگنوز قويىپ، پاتسيەنتتەر اۋرۋحاناعا جونەلتىلدى»،— دەدى ماڭعىستاۋ وبلىستىق جەدەل جاردەم ستانتسياسى.
پىشاق جاراقاتىن العان پاتسيەنتتى مەديتسينالىق مەكەمە قىزمەتكەرلەرى تەكسەرىستەن وتكىزىپ، كەسىلگەن جارا دياگنوزىمەن كومەك كورسەتكەننەن كەيىن ۇيىنە امبۋلاتورلىق ەم الۋعا جىبەرگەن. ال الدىن الا ينسۋلت دياگنوزى قويىلعان پاتسيەنتكە "نەيروتسيركۋليارلىق ديستونيا" دياگنوزى قويىلىپ، ول دا تەكسەرۋدەن سوڭ ۇيىنە جىبەرىلگەن.
ايتا كەتەيىك، شاراعا 100 مىڭعا جۋىق كورەرمەن جينالعان بولاتىن. شارادا بەلگىلى ءانشى ديماش قۇدايبەرگەن ونەر كورسەتتى.
