الماتى وبلىسى اكىمىنىڭ ورىنباسارى باعدات مانىزوروۆقا قانداي ايىپ تاعىلعانى بەلگىلى بولدى. سىبايلاس جەمقورلىققا قارسى كۇرەس قىزمەتى باسشىسىنىڭ ءبىرىنشى ورىنباسارى ولجاس بەكتەنوۆ شەنەۋنىككە قاتىستى سوتقا دەيىنگى تەرگەۋ شارالارى ءجۇرىپ جاتقانىن ايتتى، - دەپ حابارلايدى تengrinews.kz ءتىلشىسى.
"قىزمەتتىك بابىن اسىرا پايدالانۋ جانە اسا ءىرى كولەمدە الاياقتىق" بابى بويىنشا ايىپ تاعىلعان. تەرگەۋشى پروكۋراتۋراعا ءۇي قاماۋىنلا ۇستاۋ تۇرىندەگى بۇلتارتپاۋ شاراسىن تاعايىنداۋدى سۇرادى", - دەلىنگەن حابارلامادا.
ءمانىزوروۆتىڭ ءىسى ءالى سوتقا تۇسپەگەن. قالعان مالىمەت تەرگەۋ قۇپيالىعىنا بايلانىستى جاريالانبايدى.
وبلىستىق اكىمدىكتىڭ مالىمەتىنشە، 25 قىركۇيەكتە ءمانىزوروۆ ءىس-ساپارعا شىققان. ال ونىڭ ۇستالعانى تۋرالى اقپارات كەلەسى كۇنى پايدا بولدى. 27 قىركۇيەك كۇنى سىبايلاس جەمقورلىققا قارسى قىزمەت باسشىسىنىڭ ءبىرىنشى ورىنباسارى ولجاس بەكتەنوۆ ءمانىزوروۆتىڭ ۇستالعانىن جانە ۋاقىتشا ۇستاۋ يزولياتورىنا قامالعانىن راستادى.
