Almaty oblysy äkımınıŋ orynbasary Baǧdat Mänızorovqa qandai aiyp taǧylǧany belgılı boldy. Sybailas jemqorlyqqa qarsy küres qyzmetı basşysynyŋ bırınşı orynbasary Oljas Bektenov şeneunıkke qatysty sotqa deiıngı tergeu şaralary jürıp jatqanyn aitty, - dep habarlaidy Tengrinews.kz tılşısı.
"Qyzmettık babyn asyra paidalanu jäne asa ırı kölemde alaiaqtyq" baby boiynşa aiyp taǧylǧan. Tergeuşı prokuraturaǧa üi qamauynla ūstau türındegı būltartpau şarasyn taǧaiyndaudy sūrady", - delıngen habarlamada.
Mänızorovtıŋ ısı älı sotqa tüspegen. Qalǧan mälımet tergeu qūpiialyǧyna bailanysty jariialanbaidy.
Oblystyq äkımdıktıŋ mälımetınşe, 25 qyrküiekte Mänızorov ıs-saparǧa şyqqan. Al onyŋ ūstalǧany turaly aqparat kelesı künı paida boldy. 27 qyrküiek künı Sybailas jemqorlyqqa qarsy qyzmet basşysynyŋ bırınşı orynbasary Oljas Bektenov Mänızorovtyŋ ūstalǧanyn jäne uaqytşa ūstau izoliatoryna qamalǧanyn rastady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz