«شىڭعىس حان» ۇلتتىق مۋزەيىنىڭ ديرەكتورى، اكادەميك سامپيلدوندوۆىن چۋلۋن ماسكەۋ كرەملى مۇراجايلارىنىڭ باس ديرەكتورى ەلەنا گاگارينامەن كەزدەسىپ، ەكى مەكەمە اراسىنداعى ىنتىماقتاستىق ماسەلەسىن تالقىلادى. بۇل تۋرالى 25 ساۋىردە «مونتسامە» اگەنتتىگى جازدى، دەپ حابارلايدى «ادىرنا» ءتىلشىسى.
اتاپ ايتساق، قوس تاراپ ماڭىزدى جادىگەرلەر مەن عىلىمي باسىلىمداردىڭ كاتالوگتارىمەن الماسقان. سونداي-اق ءوزارا بىرلەسە وتىرىپ، تاريحي زەرتتەۋلەر جۇرگىزۋ ماسەلەسىن كوتەرگەن.
«تاريحي دەرەكتەردە ورىس مونارحتارىنىڭ شىعىسپەن بايلانىس ورناتۋ ءۇشىن موڭعول شەكاراسى ارقىلى 44 رەت ەلشى جىبەرگەنى ايتىلادى. موڭعول حاندارى دا ءدال سولاي ءوز ەلشىلەرىن جىبەرىپ وتىرعان»،—دەپ جازدى اگەنتتىك.
ايتا كەتەيىك، 2019 جىلى اشىلعان «شىڭعىس حان» مۋزەيىنىڭ قورىندا 10 مىڭنان استام بىرەگەي جادىگەر بار. ەكسپوزيتسيانىڭ نەگىزگى بولىگى ۇلى قولباسشى ءارى جيھانگەر شىڭعىس حان تۇلعاسىنا ارنالعان. بۇدان بولەك، كورمەدە عۇن داۋىرىنەن باستاپ XX عاسىرعا دەيىنگى موڭعول مەملەكەتىنىڭ قالىپتاسۋ كەزەڭدەرىن تولىق قامتيتىن ارتەفاكتىلەر قويىلعان.
بىلتىر پرەزيدەنت قاسىم-جومارت توقاەۆ موڭعولياعا مەملەكەتتىك ساپارى اياسىندا ۇلان-باتىر قالاسىنداعى مۋزەيدى ارنايى بارىپ كورگەن بولاتىن.
