Apple كومپانياسى iPhone ءوندىرىسىن قىتايدان ۇندىستانعا كوشىرمەك. 2026 جىلدىڭ سوڭىنا قاراي امەريكالىق نارىققا ارنالعان سمارتفونداردىڭ كوپشىلىگى جاڭا زاۋىتتاردان شىعارىلادى دەپ جوسپارلانىپ وتىر. بۇل تۋرالى 25 ساۋىردە Reuters اگەنتتىگى جازدى، دەپ حابارلايدى «ادىرنا» ءتىلشىسى.
كورپوراتسيانىڭ بۇل شەشىمىنە قىتايداعى تاريفتەردىڭ كۇرت ءوسۋى سەبەپ بولعان.
رەسمي دەرەكتەرگە سۇيەنسەك، كومپانيا ءۇندىستاندا ءبىر جىلدا 22 ملرد دوللاردىڭ iPhone سمارتفوندارىن شىعارعان. 2025 جىلعى ناۋرىزدا ءوندىرىس 60%-عا ارتقان.
بۇعان دەيىن اقش پرەزيدەنتى دونالد ترامپ ەنگىزگەن 145% كولەمىندەگى باج سالىعىنا جاۋاپ رەتىندە قىتاي 125% باج سالىعىن ەنگىزگەن بولاتىن. كەيىن اق ءۇي قىتاي تاۋارلارىنا تاعى 100% قوسىمشا سالىق سالاتىنىن مالىمدەدى. ناتيجەسىندە اقش-تىڭ قىتاي تاۋارلارىنا سالاتىن باج سالىعىنىڭ جالپى كولەمى 245%-عا جەتتى.
