ميا قايدا كەتتى؟ قىتايعا قورعاستان 3 مىڭ توننا دارىلىك شيكىزات جەتكىزىلگەن

1202
Adyrna.kz Telegram
https://adyrna.kz/content/uploads/2025/05/d9e48dd0-5176-4cc0-8cd2-65ba18aadee5-960x500.jpeg?token=7461782d1c2c715fa8d8866c81628118

وسى جىلدىڭ ءبىرىنشى توقسانىنىڭ قورىتىندىسى بويىنشا، قىتايدىڭ سولتۇستىك-باتىسىندا ورنالاسقان شىڭجاڭ-ۇيعىر اۆتونوميالىق اۋدانى (شۇاا) اۋماعىنداعى قورعاس كەدەن بەكەتى ارقىلى ءداستۇرلى قىتاي مەديتسيناسىندا (دقم) قولدانىلاتىن 3 مىڭ توننا دارىلىك شيكىزات يمپورتتالعان. بۇل تۋرالى جەرگىلىكتى كەدەن باسقارماسىنىڭ مالىمەتتەرى راستايدى، دەپ حابارلايدى “ادىرنا” ۇلتتىق پورتالى.

قورعاس كەدەنىنىڭ حابارلاۋىنشا، مۇنداي ءونىمنىڭ نەگىزگى ەكسپورتتاۋشىلارى — قازاقستان مەن وزبەكستان.

ءداستۇرلى قىتاي مەديتسيناسى دامىپ كەلە جاتقاندىقتان، وعان قاجەتتى دارىلىك شيكىزاتقا سۇرانىس ارتىپ وتىر، ال قىتاي ءوز يمپورتىن ۇلعايتۋدى جالعاستىرۋدا.

جەرگىلىكتى تاسىمالداۋ-ەكسپەديتسيا كومپانيالارىنىڭ ءبىرىنىڭ وكىلى اتاپ وتكەندەي، ورتالىق ازيادان جەتكىزىلەتىن ءارى دقم-دە كەڭىنەن قولدانىلاتىن دارىلىك شيكىزات — ميا تامىرى قىتايدىڭ فارماتسەۆتيكالىق كاسىپورىندارى اراسىندا جوعارى ساپاسىنا بايلانىستى ۇلكەن سۇرانىسقا يە. وسى جىلدىڭ باسىنان

بەرى اتالعان كومپانيا ورتالىق ازيا ەلدەرىنەن 950 توننادان استام ميا تامىرىن يمپورتتاعان.

يمپورتتالاتىن دارىلىك شيكىزاتتى ءتيىمدى كەدەندىك راسىمدەۋدى قامتاماسىز ەتۋ ماقساتىندا قورعاس كەدەنشىلەرى فيتوسانيتارلىق سەرتيفيكاتتاردى جەدەل بەرۋ جانە ءينۆازيۆتى ەمەس تەكسەرۋلەر سياقتى شارالاردى قولعا العان.

كەدەن قىزمەتىنىڭ مالىمەتىنشە، بىلتىر قورعاس كەدەن بەكەتى ارقىلى قىتايعا العاش رەت ءداستۇرلى مەديتسينادا قولدانىلاتىن ياسەنەتس (ياعني، كۇل اعاشىنىڭ) تامىرىنىڭ كەپتىرىلگەن قابىعى جەتكىزىلگەن.

ەسكە سالا كەتەيىك، بيىل ناۋرىز ايىندا شىڭجاڭدا ءداستۇرلى قىتاي مەديتسيناسىندا قولدانىلاتىن دارىلىك شيكىزاتتىڭ ساۋداسىن جۇرگىزۋگە ارنالعان تسيفرلىق پلاتفورما ىسكە قوسىلدى. بۇل پلاتفورما ورتالىق ازيا ەلدەرى اراسىندا، سونداي-اق باسقا وڭىرلەرمەن دە، وسى شيكىزاتتى ەركىن يمپورتتاۋ مەن ەكسپورتتاۋعا مۇمكىندىك بەرەدى.

پىكىرلەر