اقش پرەزيدەنتى دونالد ترامپ شەتەل فيلمدەرىنە 100% باج سالىعىن ەنگىزۋدى تاپسىردى. بۇل تۋرالى ول ءوزىنىڭ Truth Social الەۋمەتتىك جەلىسىندەگى پاراقشاسىندا جازدى، دەپ حابارلايدى «ادىرنا» ءتىلشىسى.
ايتۋىنشا، وتاندىق كينووندىرىس كۇننەن-كۇنگە قۇلدىراپ بارادى.
«كوپتەگەن ەل امەريكالىق كينووندىرۋشىلەردى وزىنە تارتىپ جاتىر. سوندىقتان مەن اقش-تىڭ ساۋدا مينيسترلىگىنە شەتەلدە شىعارىلعان كەز كەلگەن فيلمگە 100 پايىزدىق باج سالىعىن ەنگىزۋ پروتسەسىن دەرەۋ باستاۋعا بۇيرىق بەردىم. ءبىز امەريكادا تۇسىرىلگەن فيلمدەردى كورگىمىز كەلەدى»،—دەدى پرەزيدەنت.
ءوز كەزەگىندە ساۋدا ءمينيسترى گوۆارد ليۋتنيك بۇل ءىستى قولعا العانىن جەتكىزدى.
ەسكە سالايىق، بۇعان دەيىن لوس-اندجەلەستە كينو سالاسىنىڭ ماماندارى ميتينگىگە شىققان بولاتىن.