الماتىدا پوليتسيا بانكتەن اقشا ۇرلاماق بولعان كۇدىكتىنى ۇستادى. بۇل تۋرالى بۇگىن، 12 مامىردا ىشكى ىستەر مينيسترلىگىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«بەلگىسىز ەر ادام عيماراتقا تەرەزە ارقىلى كىرىپ، ودان كەيىن كاسساعا وتپەك بولعانىمەن، بروندالعان شىنىدان وتە الماعان. بۇل ارەكەتتىڭ بەكەر ەكەنىن تۇسىنگەن كۇدىكتى وقيعا ورنىنان كەتىپ قالعان»،— دەدى جەتىسۋ اۋداندىق پوليتسيا باسقارماسىنىڭ باستىعى جانىبەك شىناسىلوۆ.
كريمينالدىق پوليتسيا باسقارماسى جەتىسۋ اۋداندىق پوليتسياسىمەن بىرلەسىپ جۇرگىزگەن جەدەل-ىزدەستىرۋ ءىس-شارالارىنىڭ ناتيجەسىندە قىسقا مەرزىمدە 32 جاستاعى كۇدىكتى انىقتالىپ، ۇستالدى.
«كۇدىكتى ءوز كىناسىن مويىندادى. اتالعان دەرەك بويىنشا قىلمىستىق ءىس قوزعالدى»،—دەپ تولىقتىردى الماتى قالالىق پد كريمينالدىق پوليتسيا باسقارماسىنىڭ باستىعى تالانت يساەۆ.
https://youtu.be/I_dwrlGR-Zw?si=w2lPNJngaGL-q-be
