شىمكەنت قالاسىندا اۋىل شارۋاشىلىعىن دامىتۋ بويىنشا اۋقىمدى جۇمىس اتقارىلىپ جاتىر. بيىل شاھار اۋماعىندا 23 مىڭ گەكتار القاپقا باۋ-باقشا مەن كوكونىس جانە ءتۇرلى داقىلدار ەگىلدى. ونىڭ ىشىندە ءداندى داقىلدار – 7 مىڭ گەكتارعا، مايلى داقىلدار – 3,3 مىڭ گەكتارعا، مال ازىقتىق داقىلدار – 10,9 مىڭ گەكتارعا، كوكونىس پەن باقشا داقىلدارى – 1,7 مىڭ گەكتارعا، ال، كارتوپ – 100 گەكتار جەرگە ەگىلدى. جالپى، بارلىعىنان 81 مىڭ توننا ءونىم جيناۋ جوسپارلانعان.
مەملەكەت تاراپىنان شارۋالاردى قولداۋ ءۇشىن ارزان باعامەن جانار-جاعارماي جەتكىزىلىپ بەرىلۋدە. اتاپ ايتقاندا، 2025 جىلعا شارۋاشىلىقتاردان جالپى 919 توننا ديزەل وتىنىنا ءوتىنىم قابىلدانعان بولسا، كوكتەمگى ەگىن ەگۋ جۇمىستارىنا – 616 توننا، كۇزگى ەگىن جيناۋ جۇمىستارىنا – 303 توننا جانار-جاعار ماي ءبولىندى. ديزەل وتىنى شارۋالارعا ليترىنە 250 تەڭگەدەن ۇسىنىلادى.
سوڭعى جىلدارى مەملەكەت تاراپىنان جىلىجاي سالىپ، حالىقتى جىل بويىنا قاجەتتى ونىمدەرمەن قامتاماسىز ەتكەن ديقاندارعا دا بيۋدجەت ەسەبىنەن قوماقتى سۋبسيديا تولەنىپ كەلەدى. ناقتىراق ايتقاندا، قر اۋىل شارۋاشىلىعى ءمينيسترىنىڭ 2020 جىلعى 30 ناۋرىزداعى «وسىمدىك شارۋاشىلىعى ءونىمىنىڭ شىعىمدىلىعى مەن ساپاسىن ارتتىرۋدى سۋبسيديالاۋ قاعيدالارىن بەكىتۋ تۋرالى» بۇيرىعىنا سايكەس، 1 گەكتار ونەركاسىپتىك جىلىجايعا 8 ميلليون 148 مىڭ تەڭگەدەن استام، ال، 1 گەكتار فەرمەرلىك جىلىجايعا 4 ميلليون 858 مىڭ تەڭگەدەن استام سۋبسيديا تولەنەدى.
وسىلايشا، شىمكەنت قالاسىنداعى ونەركاسىپتىك جىلىجايلار مەن فەرمەرلىك جىلىجايلارعا سۋبسيديالار تولەنۋدە. جىلىجاي شارۋاشىلىعىن مەملەكەتتىك قولداۋ شارالارى بيىل دا جالعاسادى.
شىمكەنتتە اۋىلشارۋاشىلىعى سالاسىنا ينۆەستيتسيا تارتۋ، حالىقتى ازىق-تۇلىكپەن قامتاماسىز ەتۋ، قايتا وڭدەۋ كاسىبىن دامىتۋ بويىنشا جۇيەلى جۇمىستار جۇرگىزىلىپ، ماڭىزدى جوبالار ىسكە اسىرىلۋدا.
سولاردىڭ ءبىرى، تۇركيانىڭ «Alarko Holding» كومپانياسى شىمكەنتتە 500 گەكتارلىق زاماناۋي جىلىجاي كەشەنىن سالىپ جاتىر. ينۆەستيتسيالىق قۇنى 650 ملن اقش دوللارىن قۇرايتىن جىلىجاي ىسكە قوسىلعان كەزدە 2 مىڭ ادام جۇمىس ىستەپ، جىلىنا 51 مىڭ تونناعا دەيىن ءونىم وسىرەدى دەپ كۇتىلۋدە.
ودان بولەك، شىمكەنتتە بوزارىق ارنايى يندۋستريالدى ايماعى قۇرىلىپ، اۋىل شارۋاشىلىعى ونىمدەرىن تەرەڭ وڭدەۋ جانە دايىن ءونىم شىعارۋ جۇمىستارى جۇرگىزىلىپ كەلەدى.
سونىمەن قاتار، شىمكەنتتە مال شارۋاشىلىعى باعىتىندا دا وڭ ديناميكا قالىپتاسقان. قالا اۋماعىندا بۇگىندە 73,1 مىڭ باس — ءىرى قارا، 93 مىڭ باس — ۋاق مال، 18 مىڭ باس — جىلقى، 288,7 مىڭ باس — قۇس تىركەلگەن.
بيىلعى قاڭتار-ناۋرىز ايىندا 1,6 مىڭ توننا ەت، 6,8 مىڭ توننا ءسۇت، 895,5 مىڭ دانا جۇمىرتقا ءوندىرىلدى. جالپى جىل سوڭىنا دەيىن 7,6 مىڭ توننا ەت، 66,5 مىڭ توننا ءسۇت، 173,5 ملن دانا جۇمىرتقا ءوندىرۋ جوسپارلانىپ وتىر.
سوڭعى جىلدارى مەملەكەت تاراپىنان جىلىجاي سالىپ، حالىقتى جىل بويىنا قاجەتتى ونىمدەرمەن قامتاماسىز ەتكەن ديقاندارعا دا بيۋدجەت ەسەبىنەن قوماقتى سۋبسيديا تولەنىپ كەلەدى. ناقتىراق ايتقاندا، قر اۋىل شارۋاشىلىعى ءمينيسترىنىڭ 2020 جىلعى 30 ناۋرىزداعى «وسىمدىك شارۋاشىلىعى ءونىمىنىڭ شىعىمدىلىعى مەن ساپاسىن ارتتىرۋدى سۋبسيديالاۋ قاعيدالارىن بەكىتۋ تۋرالى» بۇيرىعىنا سايكەس، 1 گەكتار ونەركاسىپتىك جىلىجايعا 8 ميلليون 148 مىڭ تەڭگەدەن استام، ال، 1 گەكتار فەرمەرلىك جىلىجايعا 4 ميلليون 858 مىڭ تەڭگەدەن استام سۋبسيديا تولەنەدى.
وسىلايشا، شىمكەنت قالاسىنداعى ونەركاسىپتىك جىلىجايلار مەن فەرمەرلىك جىلىجايلارعا سۋبسيديالار تولەنۋدە. جىلىجاي شارۋاشىلىعىن مەملەكەتتىك قولداۋ شارالارى بيىل دا جالعاسادى.
شىمكەنتتە اۋىلشارۋاشىلىعى سالاسىنا ينۆەستيتسيا تارتۋ، حالىقتى ازىق-تۇلىكپەن قامتاماسىز ەتۋ، قايتا وڭدەۋ كاسىبىن دامىتۋ بويىنشا جۇيەلى جۇمىستار جۇرگىزىلىپ، ماڭىزدى جوبالار ىسكە اسىرىلۋدا.
سولاردىڭ ءبىرى، تۇركيانىڭ «Alarko Holding» كومپانياسى شىمكەنتتە 500 گەكتارلىق زاماناۋي جىلىجاي كەشەنىن سالىپ جاتىر. ينۆەستيتسيالىق قۇنى 650 ملن اقش دوللارىن قۇرايتىن جىلىجاي ىسكە قوسىلعان كەزدە 2 مىڭ ادام جۇمىس ىستەپ، جىلىنا 51 مىڭ تونناعا دەيىن ءونىم وسىرەدى دەپ كۇتىلۋدە.
ودان بولەك، شىمكەنتتە بوزارىق ارنايى يندۋستريالدى ايماعى قۇرىلىپ، اۋىل شارۋاشىلىعى ونىمدەرىن تەرەڭ وڭدەۋ جانە دايىن ءونىم شىعارۋ جۇمىستارى جۇرگىزىلىپ كەلەدى.
سونىمەن قاتار، شىمكەنتتە مال شارۋاشىلىعى باعىتىندا دا وڭ ديناميكا قالىپتاسقان. قالا اۋماعىندا بۇگىندە 73,1 مىڭ باس — ءىرى قارا، 93 مىڭ باس — ۋاق مال، 18 مىڭ باس — جىلقى، 288,7 مىڭ باس — قۇس تىركەلگەن.
بيىلعى قاڭتار-ناۋرىز ايىندا 1,6 مىڭ توننا ەت، 6,8 مىڭ توننا ءسۇت، 895,5 مىڭ دانا جۇمىرتقا ءوندىرىلدى. جالپى جىل سوڭىنا دەيىن 7,6 مىڭ توننا ەت، 66,5 مىڭ توننا ءسۇت، 173,5 ملن دانا جۇمىرتقا ءوندىرۋ جوسپارلانىپ وتىر.
