جەڭىس كۇنى قالاي ءوتىپ جاتقانىن ءوز كوزىمەن كورەيىن دەپ 9 مامىر كۇنى پانفيلوۆشىلار پاركىنە باردىم. قازاقتىڭ كوك تۋى كوپ بولعانىنا ءوزىم كۋا بولدىم. بىراق تا قىزىل سوۆەت تۋى دا، قارا-سارى گەورگي لەنتاسىن تاققاندار سانى دا از بولعان جوق.
ءبىر كىسى ماقتانىشپەن لەنتاسى تۋرالى ازاتتىققا ايتىپ تۇر:
ء"بىز، - دەيدى ول، - بۇرىن ءبىرتۇتاس مەملەكەت ەدىك، مەنىڭشە، جان دۇنيەمىز ءالى دە سوندا. مەن، مىسالى، وسى بىرلىكتىڭ جاقتاۋشىسىمىن".
باسقا بىرەۋ سوۆەت وداعىن انساپ جۇرگەن جاس الماتىلىق بۇدان دا اسىپ كەتتى. قولىندا قىزىل تۋى، كەۋدەسىندە ستالين سۋرەتى بار ازامات بىلاي دەپتى: "ستالين - ءبىزدىڭ جوعارى باس قولباسشىسىمىز. ويتكەنى ول بۇل مەملەكەتتى ساقتاپ قالدى جانە ءدال سول قولباسشى رەتىندە بۇل سوعىستى جەڭىپ شىقتى. ءبىز بۇل جەڭىسكە ونىڭ باسشىلىعىمەن جەتتىك."
اراسىندا قازاق ۇلتىنىڭ وكىلدەرى دە كوپ.
سوندا ءبىز تاۋەلسىزدىكتى كىمنەن الدىق؟
بۇل ادامدار قانداي مەملەكەتتە ءومىر ءسۇرىپ جاتقانىڭ بىلە مە دەگەن ريتوريكالىق سۇراقتار تۋىندايدى.
سوۆەت وكىمەتىنىڭ سيمۆوليكاسىنا تىيىم سالىناتىن كەزگە جەتەمىز بە، الدە وسىلاي جىلدان جىلعا كىشكەنتاي بالاپاندارىمىزدى سوۆەتتىك اسكەري كيىمگە كيىندىرىپ جۇرە بەرەمىز بە؟
ۇقساس جاڭالىقتار
