قازاقستاندىقتار ءۇشىن ماڭىزدى مەيرامداردىڭ ءبىرى - جەڭىس كۇنى جاقىنداپ قالدى. Today.kz رەداكتسياسى ۇوس ارداگەرلەرىنە مەيرامعا وراي بەرىلەتىن تولەمدەر مەن سىيلىقتار كولەمىن انىقتاعان بولاتىن.
اقمولا وبلىسىندا جەڭىستىڭ 73 جىلدىعىنا وراي 6703 ارداگەرگە اقشالاي سىيلىق دايىنداپ وتىر. كوكشەتاۋ قالاسىنىڭ سوعىس اراداگەرلەرىنە 250 مىڭ تەڭگەگە دەيىن سىياقى بەرىلەدى. ال وبلىستىڭ قالعان ەلدىمەكەندەرىنىڭ سوعىس ارداگەرلەرىنە 182 780 تەڭگە كولەمىندە سىياقى بەرىلەدى
ال تىل ارداگەرلەرىنە كوكشەتاۋ قالاسىندا 20 مىڭنان، باسقا ەلدىمەكەن ارداگەرلەرىنە 12 025 تەڭگە سىياقى بەرىلەدى.
وبلىستىڭ باسقا دا كاتەگوريا ارداگەرلەرىنە 7 215 تەڭگە سىياقى بەرىلەدى.
بۇدان بولەك، بارلىق ۇوس ارداگەرلەرىنىڭ اي سايىنعى كوممۋنالدىق شىعىندارى 100 پايىز تولەنەدى.
اقتوبە وبلىسىندا 63 ۇوس ارداگەرى مەن 7 574 تىل ارداگەرى بار. الەۋمەتتىك كومەك ەسەبىندە سوعىس ارداگەرلەرىنە 100 مىڭنان 200 مىڭ تەڭگەگە دەيىن جاردەماقى تولەنەتىن بولادى. تىل ارداگەرلەرىنە 50 مىڭنان 60 مىڭعا دەيىن، سوعىس اسەرىنەن جەسىر قالعان ايەلدەرگە 25 مىڭنان 35 مىڭعا دەيىن بەرىلەدى. سونىمەن قاتار وبلىس اكىمى 6 332 سوعىس ارداگەرىن لگوتتىق دارىمەن قامتاماسىز ەتىلەدى.
ال اتىراۋ وبلىسىندا بۇگىندە 30 ارداگەر بار. ۇوس ارداگەرلەرىنە 100 مىڭ كولەمىندە سىياقى تولەنىپ، شيپاجايلارعا جولداما بەرىلەدى.
شىعىس قازاقستان وبلىسىندا 246 ۇوس ارداگەرى بار. جەرگىلىكتى بيۋدجەتتەن بارلىق ارداگەرگە 500 مىڭ تەڭگە كولەمىندە سىياقى بولىنەدى.
باتىس قازاقستاندا بۇگىندە 115 ۇوس ارداگەرى بار. وسى وبلىستىڭ ەڭ قاريا ارداگەرى سەمەن اكيموۆيچ دانيلين بيىل 104 جاسقا تولىپ وتىر. اكىمشىلىكتە وسى ارداگەرگە بەرىلۋى ءتيىس سىياقى كولەمى انىقتالماعان. الايدا سىياقىدان بولەك ارداگەرلەر وبلىس اكىمىنىڭ اشىق حاتى مەن ازىق-تۇلىك سەبەتىن الادى دەپ سەندىرىپ وتىر.
قاراعاندى وبلىسىندا جەڭىس كۇنىنە وراي 66 ارداگەر 15 مىڭنان سىياقى الادى.تىل ارداگەرلەرى مەن سوعىس جەسىرلەرىنە 10 مىڭنان سىياقى بەرىلەدى. بارلىق سىياقى الۋشى ارداگەرلەر ەسەپشوتىنا اۋدارىلادى.
سونىمەن قاتار سوعىس ارداگەرلەرىنە "جاس وتان" جاستار قاناتى جاستارى كومەك كورسەتەدى. ءار جىل سايىن 9 مامىر قارساڭىندا ولار ارداگەرلەردىڭ ۇيىنە بارىپ كومەكتەسەدى.
قوستاناي وبلىسىندا جەڭىس كۇنى قارساڭىندا 66 ارداگەر 150 مىڭ تەڭگە كولەمىندە سىياقى العان.
ماڭعىستاۋ وبلىسىندا 240 مىڭ تەڭگە كولەمىندە سىياقىنى 24 فرونت ارداگەرى الادى. بارلىق قاراجات جەرگىلىكتى بيۋدجەتتەن بولىنەدى. تىل ارداگەرەرى 96 200 تەڭگە سىياقى الادى.
پاۆلودار وبلىسىندا 74 ارداگەر 150 مىڭ تەڭگە كولەمىندە سىياقى الادى.
سولتۇستىك قازاقستان وبلىسىندا 114 ۇوس ارداگەرلەرى مەن مۇگەدەكتەرىنە 240 مىڭ تەڭگە كولەمىندە سىياقى بەرىلەدى. قوسىمشا كومەك رەتىندە بارلىق ارداگەر شيپاجايعا جولداما، ءتىس پروتەزىنە الەۋمەتتىك تولەم الادى جانە كوممۋنالدىق كارىزدارى تولەنەدى.
وڭتۇستىك قازاقستان وبلىسى سوزاق اۋدانىندا 6 فرونت ارداگەرىنە "نيۆا" كولىگى بەرىلەدى. ارداگەرلەر سانى جىل سايىن كەمىپ بارا جاتقاندىڭتان اكىمشىلىك وسىنداي سىي تارتۋعا بەل بۋعان.
الماتىدا قالالىق ماسليحات شەشىمىمەن ۇوس-نىڭ 387 ارداگەرى 250 مىڭ تەڭگەدەن سىياقى الادى. سونداي-اق، بارلىق ارداگەر شيپاجاي دەمالىس، تەگىن جولاقىمەن قامتاماسىز ەتىلەدى.
استانا قالاسىندا 95 ۇوس ارداگەرىنىڭ تەك 19-ى عانا سالتاناتتى شەرۋگە قاتىسا الادى. جىل سايىن جەرگىلىكتى بيۋدجەتتەن 150 مىڭ تەڭگە كولەمىندە سىياقى بەرىلىپ كەلدى. بۇل جىلى بارلىق ارداگەرگە 500مىڭ تەڭگە كولەمىندە سىياقى بەرىلەدى.
___________________________________________________________________________
today.kz
