شىمكەنت قالاسىنداعى Shymkent City ساياباعىندا ورنالاسقان مۋزىكالىق فونتان تولىق جاڭارتىلىپ، ەندى ول تەك ەستەتيكالىق سۇلۋلىق ەمەس، ناعىز كوركەمدىك ينستاللياتسياعا اينالدى. ەندى بۇل نىسان قالا تۇرعىندارى مەن قوناقتارىنا ەرەكشە اسەر قالدىراتىن سۋ، جارىق جانە مۋزىكا ۇيلەسىمىن ۇسىنادى.
فونتان كەشەنى وزىق تەحنولوگيامەن جابدىقتالعان:
-
180 باسقارۋ ارناسى،
-
جيىلىكتى تۇرلەندىرگىشپەن باسقارىلاتىن سورعىلار،
-
روبوتتاندىرىلعان بۇرىككىشتەر،
-
سۋ باعانىنىڭ بيىكتىگى 3-تەن 25 مەترگە دەيىن كوتەرىلەدى.
فونتاننىڭ جەتى ءتۇرلى كونتۋرى سينحروندى جۇمىس ىستەپ، ءتۇرلى-ءتۇستى جارىقديودتى شامدارمەن، كۇردەلى قوزعالىس ديناميكاسىمەن كوركەم حورەوگرافيانى جۇزەگە اسىرادى. مۋزىكامەن ۇيلەسكەن بۇل كورىنىس كورەرمەندەرگە ەرەكشە اسەر سىيلايدى.
فونتان شوۋى ءار كەش سايىن مىنا ۋاقىتتاردا وتەدى:
20:00, 21:00, 22:00, 23:00, 00:00, 01:00
شوۋ ۇزاقتىعى — 10–15 مينۋت.
جاڭارتىلعان فونتان كورەرمەندەرگە تەك ۆيزۋالدى اسەر عانا ەمەس، شىمكەنت پەن قازاقستاننىڭ كوركەم تابيعاتى مەن تاريحىنان سىر شەرتەتىن ۆيدەوكونتەنتپەن دە تانىستىرادى.
