دميتري پەسكوۆ ۆلاديمير ءپۋتيننىڭ دۇيسەنبى كۇنى اق ءۇي باسشىسى دونالد ترامپپەن تەلەفون ارقىلى سويلەسەتىنىن مالىمدەدى، دەپ حابارلايدى "ادىرنا" ۇلتتىق پورتالى.
«ساعات 17:00-دە ترامپپەن تەلەفون ارقىلى اڭگىمە وتەدى. بۇل تۋرالى ترامپ بۇعان دەيىن حابارلاعان بولاتىن. ارينە، بۇل ستامبۋلداعى كەلىسسوزدەردى ەسكەرە وتىرىپ، ماڭىزدى اڭگىمە بولادى»، — دەدى پەسكوۆ.
ەسكە سالا كەتەيىك، وتكەن جۇما كۇنى ستامبۋلدا شامامەن ەكى ساعاتقا سوزىلعان كەلىسسوز ءوتتى. رەسەي دەلەگاتسياسىن باسقاراتىن پرەزيدەنتتىڭ كومەكشىسى ۆلاديمير مەدينسكي ۋكراينامەن تۇتقىنداردى اۋقىمدى ايىرباستاۋ تۋرالى باستاما كوتەرىلگەنىن مالىمدەدى. ونىڭ ايتۋىنشا، ماسكەۋ مەن كيەۆ بولاشاقتا اتىستى توقتاتۋ مۇمكىندىكتەرىنە قاتىستى ءوز كوزقاراستارىن ۇسىنۋعا كەلىسكەن.
