قازاقستانعا ورتالىق ازياداعى ەڭ قۋاتتى كومپيۋتەر جەتكىزىلدى، دەپ حابارلايدى "ادىرنا" ۇلتتىق پورتالى تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ ءباسپاسوز قىزمەتىنە سىلتەمە جاساپ.
ونىڭ ونىمدىلىگى شامامەن ەكى ەكزافلوپسقا تەڭ. ءبىر ەكزافلوپس – بۇل كومپيۋتەر سەكۋندىنا كۆينتيلليون (18 ءنولى بار سان) وپەراتسيا ورىنداي الادى دەگەن ءسوز.
"بۇل ورتالىق ازيا وڭىرىندەگى العاشقى سۋپەركومپيۋتەرلىك كلاستەر. ول جاساندى ينتەللەكت پەن جوعارى ءونىمدى ەسەپتەۋلەرگە ارنالعان ەڭ جاڭا NVIDIA H200 گرافيكالىق چيپتەرى نەگىزىندە قۇراستىرىلعان" - دەپ اتاپ ءوتتى مينيسترلىك.
مينيسترلىكتىڭ مالىمەتىنشە، بۇل – ورتالىق ازيا تاريحىنداعى العاشقى سۋپەركومپيۋتەرلىك كلاستەر. ول تسيفرلىق دامۋ مينيسترلىگىنىڭ جاڭا دەرەكتەر ورتالىعىندا ورنالاسادى.
سۋپەركومپيۋتەردىڭ قۋاتىن جاساندى ينتەللەكت سالاسىنداعى ستارتاپتار، ۋنيۆەرسيتەتتەر مەن عىلىمي ورتالىقتار جانە بيزنەستەگى ءىت-كومپانيالار پايدالانا الادى.
بۇل جوبانىڭ اياسىندا قازاقستان العاش رەت جوعارى تەحنولوگيالىق جابدىقتى كەدەندىك سالىق پەن ققس-تان بوساتۋ مەحانيزمىن قولداندى.
سۋپەركومپيۋتەردى ناقتى قاي كومپانيا جەتكىزگەنى ايتىلماعان. الايدا بۇعان دەيىن ابۋ-دابي تاق مۇراگەرى شەيح حالەد بين مۇحاممەد بين زايد ءال ناحاياننىڭ قازاقستانعا ساپارى كەزىندە استانادا Presight (G42) كومپانياسىنىڭ كەڭسەسى اشىلىپ، سۋپەركومپيۋتەرلىك كلاستەر قۇرۋ جونىندە كەلىسىمگە قول قويىلعان بولاتىن.
