قازاقستاندىق البينا بۋنەسكۋ الەمگە ايگىلى يسپاندىق «رەال مادريد» كلۋبىنىڭ قۇرامىندا رەسمي تۇردە جۇمىسىن باستادى. بۇل تۋرالى ول الەۋمەتتىك جەلىدەگى پاراقشاسىندا ايتتى، دەپ حابارلايدى «ادىرنا» ءتىلشىسى.
پاۆلودارلىق ارۋ «رەال مaدريد» كلۋبىندا ماركەتولوگ رەتىندە قىزمەت ەتەدى. ايتۋىنشا، بۇل جەتىستىككە اپارار جول وڭاي بولماعان. ول استانادا جىلجىمايتىن مۇلىك ساتىپ الۋ مەن شەتەلدە ءبىلىم الۋ اراسىندا تاڭداۋ جاساعان. تاۋەكەلگە بارىپ، مادريدتەگى جوعارى وقۋ ورنىنا ءتۇسىپ، وقۋ بارىسىندا تاجىريبەدەن ءوتۋ مۇمكىندىگىنە يە بولعان. ناتيجەسىندە ايگىلى كلۋبپەن ەڭبەك كەلىسىمشارتىنا قول قويىلدى.
«ماگيستراتۋرا بارىسىندا ۇزدىك ءتورت ستۋدەنتتىڭ عانا وسىنداي مۇمكىندىككە يە بولۋىنا جول اشىلدى. ايىم وڭىنان تۋىپ، Real Madrid Marketing Team قۇرامىندا جۇمىس ىستەۋ بۇيىردى. قازىردىڭ وزىندە بىرنەشە حالىقارالىق جوبالار كۇتىپ تۇر. جاۋاپكەرشىلىك جوعارى، بىراق مەن دايىنمىن»،—دەدى ول.
